ಮಿಮ್ಸ್‌ಗೆ ಪ್ರಭಾರ ನಿರ್ದೇಶಕ: ಅಧಿಕಾರ ಸ್ವೀಕರಿಸಿದ ಡಾ.ಪಿ.ನರಸಿಂಹಸ್ವಾಮಿ

ಮಂಡ್ಯ: ಮಂಡ್ಯ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆ(ಮಿಮ್ಸ್) ಪ್ರಭಾರ ನಿರ್ದೇಶಕರಾಗಿ ಶಸ್ತ್ರಚಿಕಿತ್ಸಾ ವಿಭಾಗದ ಮುಖ್ಯಸ್ಥ ಡಾ.ಪಿ.ನರಸಿಂಹಸ್ವಾಮಿ ಅಧಿಕಾರ ಸ್ವೀಕರಿಸಿದ್ದಾರೆ.

ಹಿಂದೆ ಕರ್ತವ್ಯ ನಿರ್ವಹಿಸುತ್ತಿದ್ದ ಡಾ.ಬಿ.ಜೆ.ಮಹೇಂದ್ರ ಅವರ ಅನಾರೋಗ್ಯದ ಕಾರಣ ನ್ಯಾಯಾಲಯದ ಆದೇಶದ ಮೇರೆಗೆ ರಾಜ್ಯ ಸರ್ಕಾರ ಡಾ.ಪಿ.ನರಸಿಂಹಸ್ವಾಮಿ ಅವರನ್ನು ಪ್ರಭಾರ ನಿರ್ದೇಶಕರಾಗಿ ನೇಮಕ ಮಾಡಿ ಆದೇಶ ಹೊರಡಿಸಿದೆ. ಅಧಿಕಾರ ಸ್ವೀಕಾರದ ವೇಳೆ ಸ್ಥಾನಿಕ ವೈದ್ಯಾಧಿಕಾರಿ ಡಾ.ವೆಂಕಟೇಶ್, ವೈದ್ಯಕೀಯ ಅಧೀಕ್ಷಕ ಡಾ.ಪಿ.ವಿ.ಶ್ರೀಧರ್, ಸಿಇಒ ಜಾನ್ ಇದ್ದರು.