ಕ್ಷೇತ್ರದ ಅಭಿವೃದ್ಧಿಯ ದೃಷ್ಟಿಯಿಂದ ಪಾಲಿಕೆಯ ವಾರ್ಡ್ಗಳಲ್ಲಿ ಯುಜಿಡಿ ಸೌಲಭ್ಯಕ್ಕಾಗಿ 175 ಕೋಟಿ ರೂಪಾಯಿ ವೆಚ್ಚದ ಯೋಜನೆ ರೂಪಿಸಲಾಗಿತ್ತು. ಪಾಲಿಕೆಯಿಂದ ಅದಕ್ಕೆ ಅನುಮೋದನೆ ನೀಡಿ ಸರ್ಕಾರಕ್ಕೆ ಕಳುಹಿಸಲೂ ಅಡ್ಡಗಾಲು ಹಾಕಿದರು. ಆದಾಗ್ಯೂ 2 ವರ್ಷಗಳಲ್ಲಿ ಅನೇಕ ಅಭಿವೃದ್ಧಿ ಕಾರ್ಯಗಳಾಗಿವೆ. ಪಾಲಿಕೆ ಅಧೀನದ ಮುನ್ಸಿಪಾಲಿಟಿ ಆಸ್ಪತ್ರೆಯನ್ನು ಆರೋಗ್ಯ ಇಲಾಖೆಗೆ ಹಸ್ತಾಂತರಿಸಿ, ಸುಸಜ್ಜಿತ ಹೆರಿಗೆ ಹಾಗೂ ಮಕ್ಕಳ ಆಸ್ಪತ್ರೆ ಆರಂಭಿಸಸಲಾಗುವುದು. 25 ಕೋಟಿ ರೂ. ವೆಚ್ಚದಲ್ಲಿ ನಮ್ಮ ಹೊಲ ನಮ್ಮ ರಸ್ತೆಗಳ ಕಡೀಕರಣ, 35 ಕೋಟಿ ರೂ. ವೆಚ್ಚದ ಪಿಡಬ್ಲುಡಿ ರಸ್ತೆ, 18 ಕೋಟಿ ರೂ. ವೆಚ್ಚದ ಜಿ.ಪಂ. ರಸ್ತೆಗಳು ನಿರ್ಮಾಣವಾಗಿವೆ. ಹಾಸ್ಟೆಲ್ಗಳ ಸಮಸ್ಯೆ ನಿವಾರಣೆಗೆ 10 ಬಿಸಿಎಂ, 8 ಅಲ್ಪಸಂಖ್ಯಾತರ ಹಾಸ್ಟೆಲ್ ಮಂಜೂರು ಮಾಡಿಸಲಾಗಿದೆ. 126 ಶಾಲೆಗಳ ದುರಸ್ತಿ, 3.75 ಕೋಟಿ ರೂ. ವೆಚ್ಚದಲ್ಲಿ ನರೇಂದ್ರ ಕೆರೆ ಹಾಗೂ 3 ಕೋಟಿ ರೂ. ವೆಚ್ಚದಲ್ಲಿ ಬೇಲೂರು ಕೆರೆಗಳ ಅಭಿವೃದ್ಧಿ ಕಾರ್ಯ ನಡೆದಿದೆ ಎಂದರು.
