ಸಂಚಾರಕ್ಕೆ ಯೋಗ್ಯ ರಸ್ತೆ ನಿರ್ವಿುಸಲು ಮನವಿ

ಮುಂಡರಗಿ: ಸಂಚರಿಸಲು ಸರಿಯಾದ ರಸ್ತೆಗಳಿಲ್ಲ. ಯಾವ ಕಡೆಯಿಂದ ಬಂದರೂ ಮುಖ್ಯರಸ್ತೆಗೆ ಕೂಡುವ ಅನುಕೂಲತೆಗಳಿಲ್ಲ. ಅತಿಕ್ರಮಣವಾಗಿರುವ ರಸ್ತೆಯನ್ನು ತೆರವುಗೊಳಿಸಿ ಸಂಚಾರಕ್ಕೆ ಯೋಗ್ಯ ರಸ್ತೆ ನಿರ್ವಿುಸಬೇಕು ಎಂದು ಒತ್ತಾಯಿಸಿ ಪಟ್ಟಣದ 20ನೇ ವಾರ್ಡ್ ನಿವಾಸಿಗಳು ಸೋಮವಾರ ತಹಸೀಲ್ದಾರ್ ಎರ್ರಿಸ್ವಾಮಿ ಪಿ.ಎಸ್. ಅವರಿಗೆ ಮನವಿ ಸಲ್ಲಿಸಿದರು.

ಈ ಕುರಿತು ಹಲವು ಬಾರಿ ಪುರಸಭೆಯ ಮುಖ್ಯಾಧಿಕಾರಿಗಳಿಗೆ ಮನವಿ ಸಲ್ಲಿಸಿ ರಸ್ತೆಯ ಅಗಲೀಕರಣ ಮತ್ತು ಮುಖ್ಯ ರಸ್ತೆಗೆ ಸೇರಿಸುವಂತೆ ಒತ್ತಾಯಿಸಿದ್ದರೂ ಸ್ಪಂದಿಸಿಲ್ಲ. ವಾರ್ಡಿನಲ್ಲಿ ಆರೋಗ್ಯ ಸಮಸ್ಯೆ ಉಂಟಾದಲ್ಲಿ ಆಂಬುಲೆನ್ಸ್, ಆಟೋ, ದ್ವಿಚಕ್ರ ವಾಹನ ಬರಲು ಯಾವುದೇ ದಿಕ್ಕಿನಿಂದ ರಸ್ತೆ ಇಲ್ಲದಂತಾಗಿದೆ. ಇದರಿಂದ ಈ ವಾರ್ಡ್ ಜನರು ಸಂಕಷ್ಟಕ್ಕೆ ತುತ್ತಾಗಿದ್ದಾರೆ. ಮಾ. 3 ರಂದು ಮನವಿಗೆ ಸ್ಪಂದಿಸಿದ ಪುರಸಭೆಯ ಮುಖ್ಯಾಧಿಕಾರಿಗಳು ವಾರ್ಡ್​ಗೆ ಭೇಟಿ ನೀಡಿ ರಸ್ತೆ ಅಳತೆ ಮಾಡಿ ಪರಿಶೀಲಿಸಿದಾಗ ಅಕ್ರಮವಾಗಿ ಕಟ್ಟಡ ನಿರ್ವಿುಸಿರುವುದು ಕಂಡುಬಂದಿದೆ. ಆದರೆ, ಮುಖ್ಯಾಧಿಕಾರಿಗಳು ಕ್ರಮ ತೆಗೆದುಕೊಳ್ಳಲು ಜಿಲ್ಲಾಧಿಕಾರಿಗಳ ಆದೇಶ ಬೇಕು ಎಂದು ದಿನಗಳನ್ನು ದೂಡುತ್ತಿದ್ದಾರೆ. ಆದ್ದರಿಂದ ಈ ಬಾರಿಯಾದರೂ ಸಲ್ಲಿಸಿರುವ ಮನವಿಗೆ ಸ್ಪಂದಿಸಿ ಮುಂದಿನ ಕ್ರಮ ಕೈಗೊಳ್ಳಬೇಕು ಎಂದು ವಾರ್ಡ್ ನಿವಾಸಿಗಳು ಒತ್ತಾಯಿಸಿದ್ದಾರೆ.

ಮಾಬುಸಾಬ್ ದೊಡ್ಡಮನಿ, ಮಾಬುಸಾಬ್ ಮುಲ್ಲಾ, ಬಸವರಾಜ ಅಸುಂಡಿ, ಮೆಹಬೂಬ್ ನಾಗನೂರ, ತಾಜುದ್ದೀನ್ ಡಂಬಳ, ಅಬ್ದುಲ್​ವುಜೀದ್ ಹಣಗಿ, ಇಬ್ರಾಹಿಮಸಾಬ್ ಮೋಮಿನ್, ಇಮಾಮಸಾಬ್ ಡಂಬಳ, ರಾಜಾಭಕ್ಷಿ ಒಂಟಿ, ರಮಿಜಾ ಡಂಬಳ, ಖಾತುನಬಿ ಹಣಗಿ, ಶಮೀನಬಾನು ವಡ್ಡಟ್ಟಿ, ಇತರರಿದ್ದರು.