ವಲಸೆ ಹಕ್ಕಿಗಳಿಂದ ರೋಗ ಬರಬಹುದು: ಕೋಳಿ ಸಾಕಣೆ ಮತ್ತು ಸಾಗಣೆಯಲ್ಲಿ ಕಟ್ಟೆಚ್ಚರ ವಹಿಸಿರುವುದರಿಂದ ಹಕ್ಕಿಜ್ವರ ಜಿಲ್ಲೆಗೆ ಕಾಲಿಡಲು ಸಾಧ್ಯವಿಲ್ಲವಾದರೂ ವಲಸೆ ಹಕ್ಕಿಗಳು ರೋಗವನ್ನು ಹೊತ್ತು ತರುವ ಸಾಧ್ಯತೆಯಿದೆ.
ದಟ್ಟಾರಣ್ಯ ಪ್ರದೇಶವನ್ನು ಹೊಂದಿರುವ ಚಾಮರಾಜನಗರ ಜಿಲ್ಲೆಯಲ್ಲಿ ವನ್ಯಮೃಗಗಳ ಜತೆ ಪಕ್ಷಿ ಸಂಕುಲವೂ ವಾಸ ಮಾಡುತ್ತಿವೆ. ಜಿಲ್ಲಾ ಪಶುಸಂಗೋಪನಾ ಇಲಾಖೆ ನಡೆಸಿದ 19ನೇ ಜಾನುವಾರು ಗಣತಿ ಪ್ರಕಾರ ಚಾಮರಾಜನಗರದಲ್ಲಿ 59,029, ಗುಂಡ್ಲುಪೇಟೆ-25,161, ಕೊಳ್ಳೇಗಾಲ-56,823, ಯಳಂದೂರು-15,696 ಸೇರಿ ಒಟ್ಟು 1,56,709 ಕೋಳಿಗಳು ಪತ್ತೆಯಾಗಿವೆ. ಇನ್ನು ಬಾಯ್ಲರ್ ಕೋಳಿಗಳ ಸಾಕಣಿಕೆ ಘಟಕಗಳು ಜಿಲ್ಲೆಯಲ್ಲಿವೆ. ಇವುಗಳ ಮೇಲೆ ಹಕ್ಕಿಜ್ವರ (ಎಚ್5ಎನ್1) ರೋಗಾಣು ದಾಳಿ ಮಾಡದಿರಲು ಅಗತ್ಯ ಕ್ರಮ ಕೈಗೊಳ್ಳಬೇಕಾದ ಅನಿವಾರ್ಯತೆ ಎದುರಾಗಿದೆ.
