ತಡವಾಗಿ ಆದ್ಯತೆಗೊಂಡ ತಾಡವೋಲೆ...

ಪ್ರಾಚೀನ ಗ್ರಂಥಕ್ಕೆ ನಿರ್ಮಲ ಸಂರಕ್ಷಣೆ

ಪುತ್ತಿಗೆ ಮಠದ ಮನವಿಗೆ ದ್ರೌಪದಿ ಮಣೆ

ಪ್ರಶಾಂತ ಭಾಗ್ವತ, ಉಡುಪಿ

ಭಾರತದ ಅನೇಕ ಪ್ರಾಚೀನ ನೈಜ ಸಂಪತ್ತು ನಶಿಸಿ ಹೋಗಿದ್ದು ಅವುಗಳಲ್ಲಿ ಸಹಸ್ರ ಶತಮಾನ ಪುರಾತನವಾದ ತಾಡವೋಲೆ ಗ್ರಂಥಗಳೂ ಅತ್ಯಂತ ಪ್ರಮುಖವಾಗಿದೆ. ದೇಶದ ಧರ್ಮ, ಜ್ಞಾನ, ಸನಾತನ ಜೀವನ ಶೈಲಿ, ಸಂಸ್ಕೃತಿ ಹಾಗೂ ಭಾರತೀಯತೆಯ ಪ್ರತೀಕವಾಗಿರುವ ಲಕ್ಷಾಂತರ ಸಂಖ್ಯೆಯ ಗ್ರಂಥಗಳು ಸುರಕ್ಷತೆಯಿಲ್ಲದೆ ವಿನಾಶದ ಅಂಚಿನಲ್ಲಿದೆ.

ದೇಶದ ಅಸ್ಮಿತೆಯ ಕುರುಹಾದ, ಅತ್ಯಂತ ಶ್ರೇಷ್ಠವಾದ ಗ್ರಂಥಗಳ ರಕ್ಷಣೆಗೆ ಕೇಂದ್ರ ಸರ್ಕಾರ ಆಸಕ್ತಿ ತಳೆದಿದೆ. ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್​ ಮಂಡಿಸಿರುವ ಬಜೆಟ್​ನಲ್ಲಿ ದೇಶದ ತಾಡವೋಲೆ ಗ್ರಂಥಗಳ ಸಂರಕ್ಷಣೆ ಮಾಡುವುದಾಗಿ ಘೋಷಿಸಿದ್ದು, ಅನುದಾನವನ್ನೂ ಮೀಸಲಿಟ್ಟಿದ್ದಾರೆ.

ಪುತ್ತಿಗೆ ಮಠದಿಂದ ಮನವಿ

ಪಾಶ್ಚಿಮಾತ್ಯ ರಾಷ್ಟ್ರಗಳಲ್ಲಿರುವ ವಿಶ್ವ ವಿದ್ಯಾಲಯಗಳು ಭಾರತದ ಅತಿದೊಡ್ಡ ಸಂಪತ್ತಾದ, ಜ್ಞಾನ ಭಂಡಾರವಾದ ಹಸ್ತಪ್ರತಿ (ತಾಡವೋಲೆ)ಗಳನ್ನು ಅತ್ಯಂತ ಶಿಸ್ತುಬದ್ಧವಾಗಿ ಸಂರಕ್ಷಿಸಿಕೊಂಡಿವೆ. ಭಾರತದಲ್ಲಿಯೂ ಸಹ ಅನೇಕ ವಿವಿಗಳು ಹಾಗೂ ಮಠ-ಮಾನ್ಯಗಳು ಪ್ರಾಚೀನ ಗ್ರಂಥಗಳ ಸಂರಕ್ಷಣೆ ಮಾಡಿವೆ. ಆದರೂ ಲಕ್ಷಾಂತರ ಗ್ರಂಥಗಳು ನಾಶವಾಗುತ್ತಿದ್ದು, ಅವುಗಳ ಸಂರಕ್ಷಣೆಯಾದರೆ ದೇಶಕ್ಕೆ, ನಮ್ಮ ಮೂಲಕ ವಿಶ್ವಕ್ಕೆ ಶುದ್ಧ ಪಾಠ ಲಭಿಸುತ್ತದೆ. ಅವುಗಳ ರಕ್ಷಣೆಗೆ ಕೇಂದ್ರ ಸರ್ಕಾರದಿಂದ ಮಾನ್ಯತೆ ಹಾಗೂ ಆರ್ಥಿಕ ನೆರವು ಕೊಡಿಸುವಂತೆ 8 ತಿಂಗಳ ಹಿಂದೆ ಪುತ್ತಿಗೆ ಮಠದ ಶ್ರೀವಾದಿರಾಜ ಸಂಶೋಧನಾ ಪ್ರತಿಷ್ಠಾನ ಹಾಗೂ ಒರಿಸ್ಸಾದ ಲೋಕಭಾಷಾ ಪ್ರಚಾರ ಸಮಿತಿ ವತಿಯಿಂದ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರಿಗೆ ಮನವಿ ಸಲ್ಲಿಸಲಾಗಿತ್ತು.

ರಾಷ್ಟ್ರಪತಿ ಮುರ್ಮು ಸ್ಪಂದನೆ

ಕ್ರಮ ಕೈಗೊಂಡಿದ್ದ ಅಟಲ್​ ಜೀ

ಋಷಿ-ಮುನಿಗಳಿಂದ ಜ್ಞಾನ ಕೊಡುಗೆ