ಶತಮಾನೋತ್ಸವ ಕಾರ್ಯಕ್ರಮದ ಪ್ರಾರಂಭೋತ್ಸವವನ್ನು ಜಗದ್ಗುರು ಅನ್ನದಾನೀಶ್ವರ ಜಾತ್ರಾ ಮಹೋತ್ಸವದಲ್ಲಿ ಫೆ. 24ರಂದು ನಡೆಸಲಾಗುತ್ತದೆ. ವಿವಿಧ ಸ್ವಾಮೀಜಿಗಳು, ಜನಪ್ರತಿನಿಧಿಗಳನ್ನು ಆಹ್ವಾನಿಸಲಾಗುವುದು. ಶಿಕ್ಷಣ ತಜ್ಞರಿಂದ ವಿಶೇಷ ಉಪನ್ಯಾಸ ನಡೆಸಲಾಗುವುದು. ಅಂದಿನಿಂದ ಪ್ರಸ್ತುತ ವರ್ಷ ಪೂರ್ತಿ ವಿದ್ಯಾರ್ಥಿಗಳಿಗೆ ರಾಷ್ಟ್ರೀಯ ಯುವಜನೋತ್ಸವ, ರಸಪ್ರಶ್ನೆ, ಅಂತರ ಕಾಲೇಜ್ ಹಬ್ಬ, ಕ್ರೀಡಾಹಬ್ಬ, ಜನಪದ ಹಬ್ಬ, ಆರೋಗ್ಯ ಶಿಬಿರ, ಆಹಾರ, ಉದ್ಯೋಗ ಮೇಳ, ಯುವ ಸಾಹಿತ್ಯ ಮೇಳ, ಕಲೆ, ಕವನ, ಚುಟುಕು ಸಾಹಿತ್ಯ, ವಿದ್ಯಾ ಸಮಿತಿ ಶತಮಾನದ ದಾಖಲೆಗಳ ಸಂಪುಟ, ಶ್ರೀಗಳ ಭವ್ಯ ಇತಿಹಾಸವುಳ್ಳ ಗ್ರಂಥ, ಹೀಗೆ ಹಲವು ಕಾರ್ಯಕ್ರಮ ನಡೆಸಲಾಗುತ್ತದೆ. ಕಾರ್ಯಕ್ರಮದ ಆಯೋಜನೆ ಹಿನ್ನೆಲೆ ಜ. 8ರಂದು ಪೂರ್ವಭಾವಿ ಸಭೆ ಕರೆಯಲಾಗಿದೆ. ವರ್ಷದ ಕೊನೆಯಲ್ಲಿ 3ದಿನದ ಮುಕ್ತಾಯ ಕಾರ್ಯಕ್ರಮ ನಡೆಸಲಾಗುವುದು ಎಂದು ಮಾಹಿತಿ ನೀಡಿದರು.
