ರಥೋತ್ಸವದಲ್ಲಿ ಜಾಲಿಹಾಳದ ಭಕ್ತರಿಂದ ತೇರಿನ ಹಗ್ಗದ ಸೇವೆ, ಹೊಳೆಹಡಗಲಿ ಗ್ರಾಮದಿಂದ ಕಲಶ ಸೇವೆ ನಡೆಯಿತು. ಬೇಲೂರಿನ ಬಸವೇಶ್ವರ ಭಜನಾ ಸಂಘ, ಡೊಳ್ಳಿನ ಮೇಳ, ಕರಡಿ ಮಜಲು, ಶಿರಬಡಗಿ ಭಜನಾ ಸಂಘ, ಮಂಗಳೂರು, ಜಾಲಿಹಾಳದ ಹಲಗಿ ಮೇಳ, ಹಿರೇಹಾಳ, ಬೊಮ್ಮಸಾಗರ, ಢಾಣಕಶಿರೂರ, ಭಜನಾ ಸಂಘಗಳು, ಝಾಂಜ್ ಮೇಳ, ಹಿರೇನಸಬಿ, ಚೊಳಚಗುಡ್ಡ, ನವಿಲುಹೊಳೆ, ಚಿಕ್ಕನಸಬಿ, ಗೋನಾಳ, ಮಂಗಳೂರು, ನೈನಾಪುರ, ಬೇಲೇರಿ, ಬಸರಕೋಡ, ಮಣ್ಣೇರಿ, ನೆಲ್ಲೂರು ಮಾಡಲಗೇರಿ ಕೋತಬಾಳ ಹೊನ್ನಿಗನೂರ, ಭಜನಾ ಸಂಘ ಸೇರಿ ವಿವಿಧ ಗ್ರಾಮಗಳಿಂದ ಭಕ್ತರು ಮಂಗಳ ವಾದ್ಯಗಳೊಂದಿಗೆ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಅಡ್ಡಪಲ್ಲಕ್ಕಿ ಸಂಚರಿಸಿತು. ಸುತ್ತಮುತ್ತಲಿನ ಗ್ರಾಮಗಳಿಂದ ಆಗಮಿಸಿದ ಲಕ್ಷಾಂತರ ಭಕ್ತರು ರಥೋತ್ಸವದಲ್ಲಿ ಭಾಗಿಯಾಗಿ ಕಣ್ತುಂಬಿಕೊಂಡರು.
