ಪ್ರವಾಸಿ ತಾಣಗಳಿಗೆ ಹೋಗಬೇಕೇ ?
ಮಳಿಗೆ ಒಳಗೆ ರಾಜ್ಯದ ಪ್ರಮುಖ ಪ್ರವಾಸಿ ತಾಣ ಮತ್ತು ಕಲೆಗಳ ಬಗ್ಗೆ ಮಾಹಿತಿ ನೀಡಲಾಗಿದೆ. ಮುಖ್ಯವಾಗಿ ಚಿಕ್ಕಮಗಳೂರಿನ ಕೆಮ್ಮಣ್ಣುಗುಂಡಿ, ಗೋಕರ್ಣದ ಓಂ ಬೀಚ್, ಕುದುರೆಮುಖ, ಪಶ್ಚಿಮ ಘಟ್ಟದ ಆಕರ್ಷಕ ತಾಣಗಳು, ಅಬ್ಬೆ ಜಲಪಾತ, ಚಿತ್ರದುರ್ಗದ ಕೋಟೆ, ಯಾಣ, ಜೋಗ ಜಲಪಾತ, ಗೋಲ್ಗುಂಬಜ್, ಸೋಮನಾಥಪುರದ ಚೆನ್ನಕೇಶವ ದೇವಸ್ಥಾನ, ಶ್ರವಣಬೆಳಗೊಳದ ಗೊಮ್ಮಟೇಶ್ವರ, ಬಳ್ಳಾರಿ ಕೋಟೆ, ರಂಗನತಿಟ್ಟು ಪಕ್ಷಿಧಾಮ, ಮೂಡುಬಿದಿರೆಯ ಸಾವಿರ ಕಂಬದ ಬಸದಿ, ಬಾದಾಮಿಯ ಗುಹಾಂತರ ದೇವಾಲಯಗಳು, ಪಟ್ಟದಕಲ್ಲು, ಐಹೊಳೆಯ ದುರ್ಗಾ ದೇವಸ್ಥಾನ, ಹಂಪಿ ಹೇಮಕೂಟ ಬೆಟ್ಟ, ಕಮಲ ಮಹಲ್, ಕಲ್ಲಿನ ರಥ, ಬೇಲೂರಿನ ಚೆನ್ನಕೇಶವ ದೇವಸ್ಥಾನ, ಹಳೇಬೀಡು ಹೊಯ್ಸಳೇಶ್ವರ ದೇವಸ್ಥಾನ ಸೇರಿದಂತೆ ಹತ್ತಾರು ಪ್ರವಾಸಿ ಕ್ಷೇತ್ರ ಮತ್ತು ಐತಿಹಾಸಿಕ ತಾಣಗಳ ಬಗ್ಗೆ ಸವಿವರ ಇಲ್ಲಿ ಲಭ್ಯ. ಈ ತಾಣಗಳ ಇತಿಹಾಸ, ರಾಜ್ಯದ ಯಾವ ಜಿಲ್ಲೆ, ಯಾವ ತಾಲೂಕಿನಲ್ಲಿ ಇವೆ, ಹೋಗುವುದು ಹೇಗೆ, ದೇವಸ್ಥಾನ, ಸ್ಮಾರಕಗಳನ್ನು ಯಾರ ಕಾಲದಲ್ಲಿ ನಿರ್ಮಿಸಲಾಗಿದೆ. ಅವುಗಳ ಇತಿಹಾಸ ಹೀಗೆ ಎಲ್ಲ ವಿವರಗಳಿಲ್ಲಿ ದೊರಕಲಿದೆ.
