ಶಾಜಿ ಅವರ ಕಿರಿಯ ಪುತ್ರಿ ಪಾರ್ವತಿ ಕೇರಳ ಮೂಲದ ಅರ್ಬಸ್ ಖಾನ್ ಎಂಬಾತನನ್ನು ಪ್ರೀತಿಸಿ ಮದುವೆಯಾಗಿದ್ದು, ದಂಪತಿಗೆ 5 ತಿಂಗಳ ಹೆಣ್ಣು ಮಗುವಿದೆ. ಪತಿ-ಪತ್ನಿ ನಡುವೆ ಭಿನ್ನಾಭಿಪ್ರಾಯದಿಂದ ಸೆಪ್ಟೆಂಬರ್ನಲ್ಲಿ ಪಾರ್ವತಿ ಮಗುವಿನೊಂದಿಗೆ ತವರಿಗೆ ಮರಳಿದ್ದರು. ಶುಕ್ರವಾರ ಅರ್ಬಾನ್ ಖಾನ್ ಇಬ್ಬರು ಸ್ನೇಹಿತರ ಜತೆ ಪಾರ್ವತಿ ಅವರ ಮನೆಗೆ ನುಗ್ಗಿ ಪಾರ್ವತಿ ಅವರ ತಂದೆ, ತಾಯಿಗೆ ಚೂರಿಯಿಂದ ಇರಿಯಲು ಮುಂದಾಗಿದ್ದು, ಮಾವ ಶಾಜಿ ತಪ್ಪಿಸಿಕೊಂಡಿದ್ದಾರೆ. ಅತ್ತೆ ಮಿನಿ ಅವರ ಕುತ್ತಿಗೆಗೆ ಚೂರಿಯಿಂದ ಇರಿಯಲು ಯತ್ನಿಸಿದ್ದಾನೆ. ಅವರು ತಪ್ಪಿಸಿಕೊಂಡು ಮನೆಯಿಂದ ಹೊರಗೆ ಬಂದು ಬೊಬ್ಬೆ ಹಾಕಿದ್ದಾರೆ. ಕೂಗಾಟ ಕೇಳಿ ತೋಟದಲ್ಲಿದ್ದ ಮಗಳು ಪಾರ್ವತಿ, ದಾರಿಯಲ್ಲಿ ಹೋಗುವ ರಾಜನ್ ಎಂಬುವರು ಬಂದ ಸಂದರ್ಭ ಅರ್ಬಾನ್ ಖಾನ್ ಪರಾರಿಯಾಗಿದ್ದಾನೆ. ಹೋಗುವಾಗ ಅತ್ತೆ ಮಿನಿ ಅವರಿಗೆ ಕೊಲ್ಲುವ ಬೆದರಿಕೆ ಹಾಕಿದ್ದಾನೆ. ಕೊಲ್ಲೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
