ಕಿಚಡಿ ತಯಾರಿಗೆ ಒಗ್ಗರಣೆ ಕೂಡ ಬೇಕಾಗಿಲ್ಲ. ಇಲಾಖೆ ವಿತರಿಸಿರುವ ಕಿಚಡಿ ಪೊಟ್ಟಣವನ್ನು ಕತ್ತರಿಸಿ ಕುಕ್ಕರ್ಗೆ ಹಾಕಿ ನೀರು ಸೇರಿಸಿ ಎರಡು ಸೀಟಿ ಕೂಗಿಸಿದರೆ ಕಿಚಡಿ ತಯಾರಾಗುತ್ತದೆ. ಈ ಪೌಷ್ಟಿ ಕಾಂಶಯುಕ್ತ ಕಿಚಡಿ ಮಕ್ಕಳಿಗೆ ಇಷ್ಟವಾಗುತ್ತಿಲ್ಲ. ಕಿಚಡಿಯಲ್ಲಿ ಅಕ್ಕಿ, ತೊಗರಿಬೇಳೆ, ಹೆಸರು ಕಾಳು, ಕೆಲ ದ್ವಿದಳ ಧಾನ್ಯಗಳ ನುಚ್ಚಿನ ಮಿಶ್ರಣಕ್ಕೆ ಮಸಾಲೆಯೊಂದಿಗೆ ಎಣ್ಣೆ ಹಾಕಿ ಒಣ ಮಿಶ್ರಣದ ಪೊಟ್ಟಣ ಸಿದ್ಧಪಡಿಸಲಾಗಿದೆ. ಜನವರಿ ಕೊನೆಯ ವಾರದಿಂದ ಅಂಗನವಾಡಿಗಳಲ್ಲಿ ಬಿಸಿಯೂಟಕ್ಕೆ ಕಿಚಡಿ ನೀಡಲಾಗುತ್ತಿದ್ದು, ಮಾರ್ಚ್ ಅಂತ್ಯದವರೆಗೂ ಇದನ್ನೇ ತಿನ್ನಬೇಕಾದ ಅನಿವಾರ್ಯತೆ ಇದೆ. ಕಡಿಮೆ ಮಕ್ಕಳಿರುವ ಅಂಗನವಾಡಿಗಳಲ್ಲಿ ಕಿಚಡಿ ಪೊಟ್ಟಣಗಳು ಮೂಲೆ ಸೇರಿವೆ.
