ಕುಶಾಲನಗರ ಸರ್ಕಾರಿ ಆಸ್ಪತ್ರೆಯಲ್ಲಿ ನೂರಾರು ಗರ್ಭಿಣಿಯರು ಚಿಕಿತ್ಸೆ ಪಡೆಯುತ್ತಿದ್ದು, ಹೆರಿಗೆ ಆಗುವಂತ ಸಂದರ್ಭದಲ್ಲಿ ನಾರ್ಮಲ್ ಡೆಲಿವರಿ ಆದರೆ ಸಮಸ್ಯೆ ಇರುವುದಿಲ್ಲ. ಆದರೆ ಸಿಸೇರಿಯನ್ ಮೂಲಕ ಹೆರಿಗೆಯಾಗುವವರಿಗೆ ಅರವಳಿಕೆ ಔಷಧಿ ನೀಡುವ ತಜ್ಞ ವೈದ್ಯರು ಸಮಯಕ್ಕೆ ಸರಿಯಾಗಿ ಸಿಗುವುದಿಲ್ಲ. ಅರಿವಳಿಕೆ ಔಷಧಿ ನೀಡುವ ತಜ್ಞ ವೈದ್ಯರು ಆಸ್ಪತ್ರೆಯ ಕೇಂದ್ರ ಸ್ಥಾನದಲ್ಲಿ ಇಲ್ಲದೆ ಮೈಸೂರಿನಿಂದ ಬರುವ ಕಾರಣ ತೊಂದರೆಯಾಗಿದೆ. ವಾರದ ಹಿಂದೆ ಹೆರಿಗೆಗಾಗಿ ಬಂದ ಗರ್ಭಿಣಿಯೊಬ್ಬರಿಗೆ ತೀವ್ರ ರಕ್ತಸ್ರಾವವಾಗಿ ಅರಿವಳಿಕೆ ಔಷಧಿ ನೀಡುವ ತಜ್ಞ ವೈದ್ಯರು ಇಲ್ಲದೆ ಸುಮಾರು ಎರಡೂವರೆ ಗಂಟೆಗಳ ಕಾಲ ಕಾದು, ನಂತರ ಖಾಸಗಿ ತಜ್ಞ ವೈದ್ಯರನ್ನು ಕರೆಸಿ ಅರವಳಿಕೆ ನೀಡಿ ಆಪರೇಷನ್ ಮಾಡಲಾಗಿದೆ.
