ಹಾನಗಲ್ಲ ಬಸ್ ನಿಲ್ದಾಣದಲ್ಲಿ ಏಕಾಏಕಿ ಬಿದ್ದ ಎಲ್​ಇಡಿ ಜಾಹೀರಾತು ಫಲಕ

ಹಾನಗಲ್ಲ: ಪಟ್ಟಣದ ಹೊಸ ಬಸ್ ನಿಲ್ದಾಣದಲ್ಲಿ ಅಳವಡಿಸಿದ್ದ ಎಲ್​ಇಡಿ ಜಾಹೀರಾತು ಫಲಕ ಏಕಾಏಕಿ ಕೆಳಗೆ ಬಿದ್ದ ಪರಿಣಾಮ ಪ್ರಯಾಣಿಕರು ಸ್ವಲ್ಪದರಲ್ಲೇ ಪ್ರಾಣಾಪಾಯದಿಂದ ಪಾರಾದ ಘಟನೆ ಸೋಮವಾರ ಬೆಳಗ್ಗೆ ನಡೆದಿದೆ.

ಜಾಹೀರಾತು ಪ್ರಸಾರಕ್ಕಾಗಿ ಎಲ್​ಇಡಿ ಫಲಕವನ್ನು ಬಸ್ ನಿಲ್ದಾಣದ ಮೇಲ್ಛಾವಣಿಗೆ ತೂಗು ಹಾಕಲಾಗಿತ್ತು. ಅದರ ನಟ್ ಬೋಲ್ಟ್ ಕಳಚಿ ಪ್ರಯಾಣಿಕರು ಕುಳಿತುಕೊಳ್ಳುವ ಆಸನದ ಮೇಲೆ ಬಿದ್ದಿದೆ. ಅದೃಷ್ಟವಶಾತ್ ಆಗ ಪ್ರಯಾಣಿಕರಾರು ಆ ಆಸನದ ಮೇಲೆ ಕುಳಿತಿರಲಿಲ್ಲ. ಪಕ್ಕದ ಆಸನದಲ್ಲಿ ಕುಳಿತಿದ್ದವರು ಏಕಾಏಕಿ ಜಾಹೀರಾತು ಫಲಕ ಬಿದ್ದಿದ್ದರಿಂದ ಭಯಭೀತರಾಗುವಂತಾಯಿತು.

ರಸ್ತೆ ಸಾರಿಗೆ ಸಂಸ್ಥೆ ಅಧಿಕಾರಿಗಳ ನಿರ್ಲಕ್ಷಕ್ಕೆ ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.