ಪುತ್ತೂರಿಗೆ ಜಿಲ್ಲಾ ಕೇಂದ್ರವಾಗುವ ಅರ್ಹತೆಯಿದ್ದು, ಭವಿಷ್ಯತ್ತಿನಲ್ಲಿ ಸುಳ್ಯ, ಕಡಬ, ಪುತ್ತೂರು, ಬೆಳ್ತಂಗಡಿ ತಾಲೂಕುಗಳನ್ನು ಪೂರ್ತಿಯಾಗಿ, ಬಂಟ್ವಾಳ ತಾಲೂಕನ್ನು ಭಾಗಶಃ ಸೇರಿಸಿ ಪುತ್ತೂರು ಕೇಂದ್ರವಾಗಿರಿಸಿಕೊಂಡು ಹೊಸ ಜಿಲ್ಲೆ ರಚಿಸುವ ಮುಂದಾಲೋಚನೆಯಿಂದ ನಗರೀಕರಣ ವ್ಯವಸ್ಥೆಗೆ ಯೋಜನೆ ರೂಪಿಸಲಾಗಿದೆ. ರಾಮನಗರ, ಯಾದಗಿರಿ, ಚಿಕ್ಕಬಳ್ಳಾಪುರ ಮುಂತಾದ ಪ್ರದೇಶಗಳು ಜಿಲ್ಲೆಗಳಾಗಿವೆ. ಆ ಜಿಲ್ಲೆಗಳಿಗಿಂತ ಪ್ರಸ್ತಾವಿತ ಪುತ್ತೂರು ಜಿಲ್ಲೆಯ ವಿಸ್ತೀರ್ಣ ಮತ್ತು ಜನಸಂಖ್ಯೆ ಅಧಿಕವಾಗಿದೆ. ಹೀಗಾಗಿ ಇದನ್ನೇ ನೆಪವಾಗಿಸಿರಿ ಮೊದಲ ಹಂತದಲ್ಲಿ ಪುತ್ತೂರು ನಗರ ಅಭಿವೃದ್ಧಿಗೊಳಿಸಿ ಜಿಲ್ಲಾ ಕೇಂದ್ರವಾಗಿ ರೂಪಿಸುವುದು ನಗರಸಭೆಯ ಯೋಜನೆ.
