ಭಾನುವಾರ ಬಿಬಿಎಂಪಿ ಕೇಂದ್ರ ಕಚೇರಿ ಆವರಣದ ಡಾ.ರಾಜ್ಕುಮಾರ್ ಗಾಜಿನಮನೆಯಲ್ಲಿ ನಡೆದ ಸಂಘದ ಕಾರ್ಯಕಾರಿ ಸಮಿತಿಯ ನಿರ್ದೇಶಕರ ಸ್ಥಾನದ ಚುನಾವಣೆಯಲ್ಲಿ ಹಾಲಿ ಅಧ್ಯಕ್ಷ ಎ. ಅಮೃತರಾಜ್ ನೇತೃತ್ವದ ತಂಡ ಎಲ್ಲ 17 ಸ್ಥಾನಗಳಲ್ಲಿ ಗೆದ್ದು ಬೀಗಿತ್ತು. ನಂತರ, ನೂತನ ಪದಾಧಿಕಾರಿಗಳ ಆಯ್ಕೆ ಚುನಾವಣೆಯಲ್ಲಿ ಅಮೃತ್ರಾಜ್ ತಂಡವು ಅವಿರೋಧವಾಗಿ ಆಯ್ಕೆಯಾಯಿತು. 17 ಕಾರ್ಯಕಾರಿ ನಿರ್ದೇಶಕರ ಸ್ಥಾನಗಳಿಗೆ ಒಟ್ಟು 33 ಅಭ್ಯರ್ಥಿಗಳು ಸ್ಪರ್ಧಿಸಿದ್ದರು. 2,700 ಮತಗಳ ಪೈಕಿ 2,171 ಮತಗಳ ಚಲಾವಣೆಯಾದರೆ,74 ಮತಗಳು ಅಸಿಂಧುವಾಗಿತ್ತು. ಎ.ಅಮೃತ್ರಾಜ್ 1,892 ಅತ್ಯಧಿಕ ಮತ ಪಡೆದು ಗೆಲುವಿನ ನಗೆ ಬೀರಿದ್ದರು. ಕೆ.ಜಿ. ರವಿ, ಡಾ.ಶೋಭಾ, ಎನ್.ಎಸ್.ಸೋಮಶೇಖರ್, ಎಚ್.ಕೆ.ತಿಪ್ಪೇಶ್, ಆರ್.ರೇಣುಕಾಂಬ, ಕೆ. ಮಂಜೇಗೌಡ, ಎಸ್.ಜಿ.ಸುರೇಶ್, ಎನ್.ಶ್ರೀಧರ್, ಎಂ.ಸಂತೋಷ್ ಕುಮಾರ್, ಎನ್. ಮಂಜುನಾಥ್, ಕೆ.ನರಸಿಂಹ, ಎಚ್.ಬಿ.ಹರೀಶ್, ಕೆ.ಸಂತೋಷ್ ಕುಮಾರ್ ನಾಯ್ಕ ಹಾಗೂ ಬಿ. ರುದ್ರೇಶ್ ಗೆಲುವು ಸಾಧಿಸಿದ್ದರು.
