ಅಮೃತ ವಿವಿಯಿಂದ ‘ಅಮೃತ ಆನೆ ಗಡಿಯಾರ’ ಅನಾವರಣ

ಬೆಂಗಳೂರು: ನಾಡಿನಲ್ಲಿ ಹೆಚ್ಚುತ್ತಿರುವ ಮಾನವ-ವನ್ಯಜೀವಿ ಸಂಘರ್ಷ ತಡೆಗೆ ಅದರಲ್ಲೂ ಆನೆಗಳನ್ನು ಒಳಗೊಂಡಂತೆ ಸೂಕ್ತ ಪರಿಹಾರ ಒದಗಿಸಲು ‘ಅಮೃತ ಎಲಿಫೆಂಟ್ ವಾಚ್’ (ಅಮೃತ ಆನೆ ಗಡಿಯಾರ) ಎಂಬ ಎಐ ಚಾಲಿತ ಮೇಲ್ವಿಚಾರಣಾ ವ್ಯವಸ್ಥೆಯನ್ನು ಅಮೃತ ವಿಶ್ವ ವಿದ್ಯಾಪೀಠಂ ಅಭಿವೃದ್ಧಿಪಡಿಸಿದೆ.

ಈ ವ್ಯವಸ್ಥೆಯು ಮಾನವ ಮತ್ತು ವನ್ಯಪ್ರಾಣಿಗಳ ಅವಶ್ಯಕತೆಗಳ ನಡುವೆ ಸಮತೋಲನವನ್ನು ಸಾಧಿಸಲು ನೈಜ-ಸಮಯದ ಆನೆಗಳನ್ನು ಪತ್ತೆಹಚ್ಚುವ ಮತ್ತು ಎಐ-ಚಾಲಿತ ಎಚ್ಚರಿಕೆಗಳನ್ನು ಬಳಸುತ್ತದೆ. ಆನೆಗಳು ತಮ್ಮ ಪರಿಧಿಯೊಳಗೆ ಅವುಗಳ ಮೂಲಭೂತ ಅಗತ್ಯಗಳಿಗೆ ಆಸ್ಪದ ಒಳಗೊಂಡಂತೆ ಅವುಗಳ ಚಲನವಲನಗಳನ್ನು ನಿಯಂತ್ರಣ ಮತ್ತು ಮೇಲ್ವಿಚಾರಣೆ ಮಾಡಲಾಗುತ್ತದೆ.

ಅಮೃತ ಎಲಿಫೆಂಟ್ ವಾಚ್ ನವೀನ ಎಐ ಅಲ್ಗಾರಿದಮ್ ಮತ್ತು ಐಒಟಿ ತಂತ್ರಜ್ಞಾನವನ್ನು ಬಳಸಿಕೊಂಡಿದೆ. ಇದು ಆಯಕಟ್ಟಿನ ಸ್ಥಳದಲ್ಲಿ ಇರಿಸಲಾದ ಕಣ್ಗಾವಲು ಕ್ಯಾಮರಾಗಳಿಂದ ವೀಡಿಯೊ ತುಣುಕುಗಳನ್ನು ವಿಶ್ಲೇಷಿಸುತ್ತದೆ. ಇದು ಆನೆಗಳ ಚಲನವಲನಗಳನ್ನು ಪತ್ತೆಹಚ್ಚಲು ಅನುವು ಮಾಡಿಕೊಡುತ್ತದೆ. ಇವು ಮೊಬೈಲ್ ನೆಟ್‌ವರ್ಕ್‌ಗಳಿಗೆ ಸಂಪರ್ಕ ಹೊಂದಿದ್ದು, ಆನೆಗಳ ಚಲನವಲನಗಳ ಬಗ್ಗೆ ರೈತರು, ಭೂಮಾಲೀಕರು ಹಾಗೂ ಅಧಿಕಾರಿಗಳಿಗೆ ತಕ್ಷಣದ ಎಚ್ಚರಿಕೆ ಅಥವಾ ಮುನ್ಸೂಚನೆ ರವಾನಿಸುತ್ತದೆ.

ಈ ಕುರಿತು ಮಾತನಾಡಿರುವ ಅಮೃತ ವಿವಿಯ ಅಮ್ಮಚ್ಚಿ ಲ್ಯಾಬ್ಸ್ನರೂರಲ್ ಟೆಕ್ನಾಲಜೀಸ್ ತಮಡದ ಮುಖ್ಯಸ್ಥ ಬಾಲು ಮೋಹನದಾಸ್ ಮೆನನ್, ನವೀನ ತಾಂತ್ರಿಕ ಪರಿಹಾರಗಳನ್ನು ನಿರಂತರವಾಗಿ ಅಭಿವೃದ್ಧಿಪಡಿಸಲು ಪ್ರತಿಭಾವಂತ ಮನಸ್ಸುಗಳ ಅಸಾಧಾರಣ ಸಂಶೋಧನಾ ತಂಡವನ್ನು ಹೊಂದಿದ್ದೇವೆ. ಅಮೃತ ಎಲಿಫೆಂಟ್ ವಾಚ್ ವನ್ಯಜೀವಿ ಸಂರಕ್ಷಣೆಯ ಪ್ರಮುಖ ಹೆಜ್ಜೆಯಾಗಿದ್ದು, ಜನರ ಜೀವ, ಅವರ ಬದುಕಿನ ಸಾಧನಗಳು ಮತ್ತು ಜೀವನೋಪಾಯವನ್ನು ರಕ್ಷಿಸುತ್ತದೆ ಎಂದಿದ್ದಾರೆ.

ಅಮೃತ ಎಲಿಫೆಂಟ್ ವಾಚ್ ತಂತ್ರಜ್ಞಾನವನ್ನು ಇತ್ತೀಚೆಗೆ ನಡೆದ ಎಐ ಶೃಂಗಸಭೆಯಲ್ಲಿ ಪ್ರದರ್ಶಿಸಲಾಯಿತು, ಇದಕ್ಕಾಗಿ ಅಲ್ಲಿನ ಉದ್ಯಮ ತಜ್ಞರು ಮತ್ತು ನೀತಿ ನಿರೂಪಕರಿಂದ ಮೆಚ್ಚುಗೆ ವ್ಯಕ್ತವಾಗಿದೆ. ವಿವಿಯ ಪ್ರಯತ್ನವನ್ನು ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ (ಎಂಇಐಟಿವೈ) ಗುರುತಿಸಿದ್ದು, ಇದು ಕೃಷಿಯಲ್ಲಿ ಎಐ (ಹಳ್ಳಿಗಳಲ್ಲಿ ಮಾನವ-ಆನೆ ಸಂಘರ್ಷದ ಪರಿಹಾರ) ಉಪಕ್ರಮದ ಭಾಗವಾಗಿ ತನ್ನ ವೆಬ್‌ಸೈಟ್‌ನಲ್ಲಿ ಯೋಜನೆಯನ್ನು ಪ್ರಕಟಿಸಿದೆ.