ಕಣಕ್ಕಿಳಿಯಲಿದೆ ದೊಡ್ಡಗೌಡರ ಕುಟುಂಬ: ಪಕ್ಷದ ಅಸ್ತಿತ್ವ ಕಾಪಾಡಿಕೊಳ್ಳಲು ಮುಂದಾಗಿರುವ ದೊಡ್ಡಗೌಡರ ಕುಟುಂಬ ಕಣಕ್ಕಿಳಿಯಲಿದೆ. ಈಗಾಗಲೇ ಪಕ್ಷದಿಂದ ಬಹುತೇಕ ಕಾಲು ಹೊರಗಿಟ್ಟಿರುವ ಜಿಲ್ಲೆಯ ಕೆಲ ನಾಯಕರನ್ನು ನಂಬಿ ಕೈಸುಟ್ಟಿಕೊಳ್ಳುವ ಬದಲು ಮನೆಮಕ್ಕಳು, ಮೊಮ್ಮಕ್ಕಳಿಗೆ ಗೌಡರು ಚುನಾವಣೆ ಹೊಣೆ ಹೊರಿಸಿದ್ದಾರೆ. ಕುಂಚಿಟಿಗರ ಸಾಮ್ರಾಜ್ಯದಲ್ಲಿ ಎಚ್.ಡಿ. ಕುಮಾರಸ್ವಾಮಿ, ಎಚ್.ಡಿ.ರೇವಣ್ಣ ಅಲ್ಲದೆ, ಸಂಸದ ಪ್ರಜ್ವಲ್, ಜೆಡಿಎಸ್ ಯುವ ರಾಜ್ಯಾಧ್ಯಕ್ಷ ನಿಖಿಲ್ ಕುಮಾರಸ್ವಾಮಿ ಸಹ ಒಂದೊಂದು ಹೋಬಳಿಯ ಜವಾಬ್ದಾರಿ ವಹಿಸಿಕೊಳ್ಳಲಿರುವುದು ಕಾರ್ಯಕರ್ತರ ಉತ್ಸಾಹ ನೂರ್ಮುಡಿಗೊಳಿಸಿದೆ. ಎಚ್ಡಿಕೆ ಇಡೀ ಕ್ಷೇತ್ರದ ಉಸ್ತುವಾರಿ ನೋಡಿಕೊಳ್ಳಲಿದ್ದರೆ, ಚುನಾವಣೆ ಸಮೀಪವಿದ್ದಾಗ ದೇವೇಗೌಡರು ಕ್ಷೇತ್ರದಲ್ಲೇ ವಾಸ್ತವ್ಯ ಹೂಡಲಿದ್ದಾರೆ. ಗ್ರಾಮಾಂತರ ಶಾಸಕ ಡಿ.ಸಿ.ಗೌರಿಶಂಕರ್ಗೆ ಶಿರಾ ನಗರ ಉಸ್ತುವಾರಿ ವಹಿಸಲಾಗಿದೆ.
