ಡಾ.ಬಿ.ಆರ್.ಅಂಬೇಡ್ಕರ್ ಎಂದಾಕ್ಷಣ ಸಂವಿಧಾನ ಶಿಲ್ಪಿ, ಸಮಾನತೆಯ ಹರಿಕಾರ…ಹೀಗೆ ನಾನಾ ವಿಷಯ ನೆನಪಾಗುತ್ತದೆ. ಭಾರತದ ಗಡಿದಾಟಿ ಅಂಬೇಡ್ಕರ್ ಸ್ಮರಣೆ ನಡೆಯುತ್ತಿದೆ. ಇಂತಹ ದಿನದಲ್ಲಿ ಅಂಬೇಡ್ಕರ್ ಅವರನ್ನು ಕೇವಲ ಪೂಜೆಗೆ, ಆಚರಣೆಗೆ ಸೀಮಿತ ಮಾಡುವುದು ಎಷ್ಟು ಸರಿ? ಅವರು ಯಾವ ಸಂಗತಿಗಳನ್ನು ಸಮಾಜಕ್ಕೆ ತಿಳಸಬೇಕು ಎನ್ನುತ್ತಿದ್ದರು ಅವು ಸಮಾಜಕ್ಕೆ ತಲುಪಿದವಾ ಎಂದು ಪ್ರಶ್ನೆ ಮಾಡಿಕೊಳ್ಳಬೇಕಿದೆ. ಒಂದು ವೇಳೆ ತಲುಪಿದ್ದರೂ ಯಾವ ಮಾದರಿಯಲಿ ತಲುಪಿವೆ ಎಂದು ಪರಾಮರ್ಶೆ ಮಾಡಿಕೊಳ್ಳಬೇಕು ಎಂದರು.
ಅಂಬೇಡ್ಕರ್ ಅವರ ಬಹುಪಾಲು ಸತ್ಯಗಳನ್ನು, ಚಿಂತನೆಗಳನ್ನು ನಕಾರಾತ್ಮಕವಾಗಿ ಬಿಂಬಿಸಬಾರದು. ಇದನ್ನು ಮಾರ್ಪಾಡು ಮಾಡಬೇಕಾದ ಹೊಣೆಗಾರಿಕೆ ನಮ್ಮ ಮೇಲೆ ಇದೆ ಎಂದರು.
