ಆ.1,2ರಂದು ಆಳ್ವಾಸ್​ ಪ್ರಗತಿ ಬೃಹತ್​ ಉದ್ಯೋಗ ಮೇಳ

ಉಡುಪಿ: ಆಳ್ವಾಸ್​ ಶಿಕ್ಷಣ ಪತಿಷ್ಠಾನದ ವತಿಯಿಂದ ಆಯೋಜನೆಗೊಳ್ಳುತ್ತಿರುವ ಬೃಹತ್​ ಉದ್ಯೋಗ ಮೇಳ ಆಳ್ವಾಸ್​ ಪ್ರಗತಿ ಆ. 1 ಹಾಗೂ 2ರಂದು ಮೂಡುಬಿದಿರೆಯ ವಿದ್ಯಾಗಿರಿ ಆವರಣದಲ್ಲಿ ನಡೆಯಲಿದೆ. ಈಗಾಗಲೇ 302 ಕಂಪೆನಿಗಳ ನೋಂದಾಯಿಸಿದ್ದು, ಒಟ್ಟು 16,027 ಉದ್ಯೋಗ ಅವಕಾಶಗಳು ಲಭ್ಯವಾಗಲಿವೆ ಎಂದು ಆಳ್ವಾಸ್​ ಕಾಲೇಜು ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನ ವಿಭಾಗ ಮುಖ್ಯಸ್ಥ ಪ್ರಸಾದ್​ ಶೆಟ್ಟಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಉದ್ಯೋಗ ಮೇಳದಲ್ಲಿ ಎಸ್​ಎಸ್​ಎಲ್​ಸಿ ಹಾಗೂ ಪಿಯುಸಿ ಶಿಕ್ಷಣ ಪಡೆದವರಿಗೆ -3012, ಐಟಿಐ ಹಾಗೂ ಡಿಪ್ಲೋಮಾ- 4350, ಯಾವುದೇ ಪದವಿ- 3847, ಬಿಇ/ಬಿಟೆಕ್​- 805, ಕೋರ್​ ಐಟಿ- 119, ಮೆಡಿಕಲ್​ ಹಾಗೂ ಪ್ಯಾರಾ ಮೆಡಿಕಲ್​- 709, ಯಾವುದೇ ಸ್ನಾತಕೋತ್ತರ ಅಥವಾ ಎಂಬಿಎ- 1446, ಬಿಕಾಂ ಹಾಗೂ ಬಿಬಿಎ- 1176, ಗಲ್ಫ್​ ರಾಷ್ಟ್ರ-ದಲ್ಲಿ 316 ಉದ್ಯೋಗದ ಅವಕಾಶಗಳಿವೆ ಎಂದರು.

13 ವಲಯ ಭಾಗಿ

ಮ್ಯಾನುಫ್ಯಾಕ್ಚರಿಂಗ್​ ವಲಯ, ಲಾಜಿಸ್ಟಿಕ್ಸ್​ , ಐಟಿ, ಐಟಿಇಎಸ್​, ಬ್ಯಾಂಕಿಂಗ್​ ಮತ್ತು ಹಣಕಾಸು, ಹೆಲ್ತ್​ಕೇರ್​, ಫಾಮಾರ್ವಲಯ, ಮಾಧ್ಯಮ, ಮಾರಾಟ ಮತ್ತು ಚಿಲ್ಲರೆ, ಕನ್ಸ್​ಸ್ಟ್ರಕ್ಷನ್​, ಹಾಸ್ಪಿಟಾಲಿಟಿ, ಶಿಕ್ಷಣ ಹಾಗೂ ಎನ್​ಜಿಒ, ಟೆಲಿಕಮ್ಯೂನಿಕೇಷನ್​ ಸೇರಿದಂತೆ 13 ವಲಯಗಳಿಂದ ವಿವಿಧ ಕಂಪೆನಿಗಳು ಭಾಗವಹಿಸಲಿವೆ-. ಹೊರ ರಾಜ್ಯದ ಹಾಗೂ ಹೊರ ಜಿಲ್ಲೆಗಳಿಂದ ಆಗಮಿಸುವ ಆಕಾಂಕ್ಷಿಗಳಿಗೆ ಜುಲೈ 31ರಿಂದ ಉಚಿತ ವಾಸ್ತವ್ಯ ವ್ಯವಸ್ಥೆ ಕಲ್ಪಿಸಲಾಗುವುದು. ಐಟಿಐ ಅಥವಾ ಡಿಪ್ಲೋಮಾ ಅಭ್ಯರ್ಥಿಗಳಿಗೆ ಉಚಿತ ಬಸ್​ನ ವ್ಯವಸ್ಥೆ ಮಾಡಲಾಗಿದೆ. ಅಭ್ಯರ್ಥಿಗಳು ಹೆಚ್ಚಿನ ಮಾಹಿತಿಗಾಗಿ ದೂ.ಸಂ. 9741440490 ಥವಾ 7975223865 ಸಂಪರ್ಕಿಸಬಹುದು ಎಂದರು. ಆಳ್ವಾಸ್​ ಶಿಕ್ಷಣ ಪ್ರತಿಷ್ಠಾನದ - ತರಬೇತಿ ಮತ್ತು ನಿಯೋಜನೆ ವಿಭಾಗದ ಮುಖ್ಯಸ್ಥೆ ರಂಜಿತಾ ಆಚಾರ್ಯ ಉಪಸ್ಥಿತರಿದ್ದರು.