ನಿಯಮ ಉಲ್ಲಂಘಿಸಿ ಭೂಮಿ ಹಂಚಿಕೆ

ಬಾಗಲಕೋಟೆ : ಬಾಗಲಕೋಟೆ ನಗರ ಪ್ರದೇಶದಲ್ಲಿ ಮುಳುಗಡೆಯಾಗಿದ್ದ ಬಿವಿವಿ ಸಂಘದ ವಿವಿಧ ಅಂಗ ಸಂಸ್ಥೆಗಳು, ದೇವಸ್ಥಾನಗಳಿಗೆ ಬಿಟಿಡಿಎ ನಿಯಮ ಉಲ್ಲಂಘಿಸಿ ನವನಗರದಲ್ಲಿ ನಿವೇಶನ(ಭೂಮಿ) ಹಂಚಿಕೆ ಮಾಡಲಾಗಿದೆ.

ಅಧಿಕಾರ ದುರ್ಬಳಕೆ ಮಾಡಿಕೊಂಡು ಪ್ರಕ್ರಿಯೆ ನಡೆಸಲಾಗಿದೆ. ಸರ್ಕಾರ ನ್ಯಾಯಾಂಗ ತನಿಖೆಗೆ ಒಳಪಡಿಸಬೇಕು ಎಂದು ಎಎಪಿ ಮುಖಂಡ ರಮೇಶ ಬದ್ನೂರ ಆರೋಪಿಸಿದರು.

ಇದನ್ನೂ ಓದಿ : ಮಿಷನ್ ಇಂದ್ರಧನುಷ ಅಭಿಯಾನಕ್ಕೆ ಚಾಲನೆ

ವೀರಣ್ಣ ಚರಂತಿಮಠ ಅವರು ಶಾಸಕ, ಬಾಗಲಕೋಟೆ ಪಟ್ಟಣ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾಗಿದ್ದ ವೇಳೆ 2021ರಲ್ಲಿ 20 ಎಕರೆಗೂ ಅಧಿಕ ಭೂಮಿ ಹಂಚಿಕೆ ಮಾಡಲಾಗಿದೆ. ಈ ಬಗ್ಗೆ ಸಮಗ್ರ ತನಿಖೆ ನಡೆಸಬೇಕು ಎಂದು ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಆಗ್ರಹಿಸಿದರು.

ಮುಳುಗಡೆಯಾಗಿರುವ ಭೂಮಿಗೆ ತಕ್ಕಂತೆ ಎರಡು ಪಟ್ಟು ನಿವೇಶನ ಪಡೆದುಕೊಳ್ಳಬೇಕು. ಆದರೆ 9 ಪಟ್ಟು ಭೂಮಿ ಹಂಚಿಕೆ ಮಾಡಲಾಗಿದೆ.

ಇದರಲ್ಲಿ ನಿಯಮ ಉಲ್ಲಂಘನೆ ಕಂಡು ಬರುತ್ತದೆ ಎಂದು ದಾಖಲೆ ಪ್ರದರ್ಶಿದರು. ಸುದ್ದಿಗೋಷ್ಠಿಯಲ್ಲಿ ಎಎಪಿ ಮುಖಂಡರಾದ ಬಿ.ಎಸ್.ಭಜನ್ನವರ, ವಿರೇಶ ಕೋಟಿ, ಸಂಗಯ್ಯ ತುಂಬರಮಟ್ಟಿ ಇದ್ದರು.