ದೂರಿನಲ್ಲೇನಿದೆ?: ಮುಡಾದಲ್ಲಿ ಪಾರ್ವತಿ ಬದಲಿ ನಿವೇಶನಕ್ಕೆ ಕೋರಿ ಸಲ್ಲಿಸಿರುವ ಅರ್ಜಿಗೆ ವೈಟರ್ ಹಾಕಲಾಗಿದ್ದು, ಈ ವಿಚಾರ ಮಾಧ್ಯಮಗಳಲ್ಲಿ ಈಗಾಗಲೇ ಚರ್ಚೆಯಾಗಿದೆ. ಈ ವಿಚಾರವಾಗಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಸ್ಪಷ್ಟನೆ ನೀಡಲು 26-8-24 ರಂದು ತಮ್ಮ ‘ಎಕ್ಸ್’ ಖಾತೆಯಲ್ಲಿ ದಾಖಲೆಯ ವಿಡಿಯೋ ತುಣುಕು ಬಿಟ್ಟಿದ್ದರು. ಅಲ್ಲದೆ, ಮುಡಾ ಹಗರಣ ವಿಚಾರವಾಗಿ ಸಿದ್ದರಾಮಯ್ಯ 26-7-24 ರಂದು ಸುದ್ದಿಗೋಷ್ಠಿ ನಡೆಸಿ ಪಾರ್ವತಿ ಮುಡಾಗೆ 23-6-14 ರಂದು ಬರೆದ ಪತ್ರವನ್ನು ಬಿಡುಗಡೆ ಮಾಡಿದ್ದರು. ವಿಡಿಯೋದಲ್ಲಿ ಕಂಡು ಬರುವ ಪತ್ರದಲ್ಲಿರುವ ಸಹಿಗೂ, ಪಾರ್ವತಿ ಮುಡಾಗೆ ಬರೆದ ಪತ್ರದ ಸಹಿಗೂ ಸಾಕಷ್ಟು ವ್ಯತ್ಯಾಸಗಳು ಕಂಡು ಬರುತ್ತಿದೆ. ಅಲ್ಲದೆ ಮೂಲ ಅರ್ಜಿಗೂ ಸಿದ್ದರಾಮಯ್ಯ ವಿಡಿಯೋದಲ್ಲಿ ಬಿಡುಗಡೆ ಮಾಡಿರುವ ಅರ್ಜಿಗೂ ಒಟ್ಟು ಒಂಬತ್ತು ವ್ಯತ್ಯಾಸಗಳು ಕಂಡು ಬರುತ್ತಿದೆ.
