ಬಸಯ್ಯ ಚಿಕ್ಕಮಠ ಸ್ವಾಮೀಜಿ ಮಾತನಾಡಿ, ಕೊಣ್ಣೂರಿನ ನೀರಾವರಿ ಕಾಲುವೆಗೆ ಹೊಂದಿಕೊಂಡಿರುವ ಕೈಲಾಸಪತಿ ದೇವ ಮಂದಿರಕ್ಕೆ ಐತಿಹಾಸಿಕ ಸ್ಮರಣೆಗಳಿವೆ. ಹೀಗಾಗಿ ನಾವೆಲ್ಲರೂ ನಿತ್ಯ ಮಂದಿರದಲ್ಲಿ ಶಿವನ ಪೂಜೆಗೈದು ಜೀವನದಲ್ಲಿ ಶಾಂತಿ ಸಮಾಧಾನಕ್ಕಾಗಿ ಪ್ರಾರ್ಥಿಸುತ್ತೇವೆ. ಐತಿಹಾಸಿಕ ದೇವಸ್ಥಾನದ ಮೂಲ ಪುರುಷ ಕರಿಬಸಯ್ಯಜ್ಜನವರು. ಇವರು 500 ವರ್ಷಗಳ ಹಿಂದೆ ಕೊಣ್ಣೂರ ಭಾಗದಲ್ಲಿ ನೆಲೆಸಿದ ಮಹಾಮಹೀಮರಾಗಿದ್ದರು. ಸಮೃದ್ಧ ಮಳೆ- ಬೆಳೆ ಹಾಗೂ ಭಕ್ತರ ಮನಗಳ ಸುಖ, ಶಾಂತಿಗಾಗಿ ಅನೇಕ ಪವಾಡಗಳು ಅವರ ಕಾಲದಲ್ಲಿ ನಡೆದಿವೆ ಎಂದು ಪುರಾಣ ಕಥೆಗಳಿಂದ ತಿಳಿದು ಬರುತ್ತವೆ. ಹೀಗಾಗಿ ಪ್ರತಿ ವರ್ಷದ ಶ್ರಾವಣ ಮಾಸದಲ್ಲಿ ವಿಶೇಷ ಪೂಜಾ ಕಾರ್ಯಗಳನ್ನು ಅದ್ದೂರಿಯಿಂದ ಭಕ್ತರು ಇಲ್ಲಿ ಆಚರಣೆ ಮಾಡುತ್ತಾರೆ ಎಂದು ತಿಳಿಸಿದರು. ಕಾರ್ಯಕ್ರಮದಲ್ಲಿ ಗ್ರಾಮದ ಸದ್ಭಕ್ತರು ಪಾಲ್ಗೊಂಡಿದ್ದರು.
