ವಿದ್ಯಾರ್ಥಿಗಳು ಓದಿಗೆ ಪ್ರಥಮ ಆದ್ಯತೆ ನೀಡಲಿ

ಅಳವಂಡಿ: ಯುವಜನರು, ವಿದ್ಯಾರ್ಥಿಗಳು ಧೂಮಪಾನ, ಮದ್ಯಪಾನ ಹಾಗೂ ಇತರ ದುಶ್ಚಟದಿಂದ ದೂರವಿದ್ದು, ವ್ಯಸನಮುಕ್ತ ಜೀವನ ನಡೆಸಬೇಕೆಂದು ಸಂಪನ್ಮೂಲ ವ್ಯಕ್ತಿ ಶ್ರೀಕಾಂತ ಸಜ್ಜನ ತಿಳಿಸಿದರು.

ಕವಲೂರು ಗ್ರಾಮದ ಶ್ರೀಮತಿ ಗಿರಿಯಮ್ಮ ಪರಪ್ಪ ಹೆಬ್ಬಾಳ ಸರ್ಕಾರಿ ಪ್ರೌಢಶಾಲೆಯಲ್ಲಿ ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯಿಂದ ಹಮ್ಮಿಕೊಂಡಿದ್ದ ಸ್ವಸ್ಥ ಸಂಕಲ್ಪ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ಯುವಜನತೆ ದೇಶದ ಶಕ್ತಿ ಹಾಗೂ ಆಸ್ತಿ.

ಯುವಕರು ವಿದ್ಯಾವಂತರಾದರೆ ಮಾತ್ರ ಉತ್ತಮ ಸಮಾಜ ನಿರ್ಮಾಣ ಸಾಧ್ಯ. ದುಶ್ಚಟದಿಂದ ದೂರವಿದ್ದರೆ ಜೀವನದ ಹಾದಿ ಸುಗಮವಾಗಲಿದ್ದು, ಓದಿಗೆ ಪ್ರಥಮ ಆದ್ಯತೆ ನೀಡಬೇಕೆಂದರು.

ಇದನ್ನೂ ಓದಿ: ಬಡ ವಿದ್ಯಾರ್ಥಿನಿ ಓದಿಗೆ 2.35 ಲಕ್ಷ ನೆರವು

ಮುಖ್ಯ ಶಿಕ್ಷಕ ಗವಿಸಿದ್ದನಗೌಡ ಗೌಡರ, ವಲಯ ಮೇಲ್ವಿಚಾರಕ ಮೋಟಯ್ಯ, ಪ್ರಮುಖರಾದ ನಾಗರಾಜ, ರಾಜಪ್ಪ, ಕವಿತಾ ನಾಯಕ, ವೀರಯ್ಯ ತೆಂಗುಟಿಮಠ, ಪ್ರಭು, ಶಶಿಕುಮಾರ, ಟಿ.ಎನ್.ಮೇಟಿ, ಒಕ್ಕೂಟದ ಅಧ್ಯಕ್ಷೆ ಶೋಭಾ, ಸೇವಾ ಪ್ರತಿನಿಧಿ ಶಾಂಭವಿ ಇದ್ದರು.