ಹಿರೇಹಳ್ಳ ತುಂಗಭದ್ರಾ ನದಿ ಪಾತ್ರದ ಗ್ರಾಮಗಳಿಗೆ ಸಂಪರ್ಕ ಕಲ್ಪಿಸುತ್ತದೆ. ನೀರಿನ ಹರಿವು ಹೆಚ್ಚಾದಾಗ ಸಂಚಾರ ಸಂಪೂರ್ಣ ಬಂದಾಗುತ್ತದೆ. ನೀರಿನ ಹರಿವು ಕಡಿಮೆಯಾಗುವವರೆಗೂ ಕಾಯುವ ಪರಿಸ್ಥಿತಿ ಇದೆ. ಇಲ್ಲವೇ ಸುತ್ತುವರೆದು ಸಂಚಾರ ಕೈಕೊಳ್ಳಬೇಕಾಗಿದೆ. ನಿಲೋಗಿಪುರ, ಹಲವಾಗಲಿ, ಕೆಸಲಾಪುರ ಗ್ರಾಮಗಳ ಜನರು ಇದೇ ರಸ್ತೆ ಮೂಲಕ ಅಳವಂಡಿಗೆ ವಾಣಿಜ್ಯ, ಆಸ್ಪತ್ರೆ ಮುಂತಾದ ಕಾರ್ಯಕ್ಕೆ ಬರುತ್ತಾರೆ. ಹಿರೇಹಳ್ಳಕ್ಕೆ ಮೇಲ್ಸೇತುವೆ ನಿರ್ಮಿಸಲು ಜನಪ್ರತಿನಿಧಿಗಳಿಗೆ ಹಲವಾರು ಬಾರಿ ಮನವಿ ಮಾಡಲಾಗಿದೆ. ಆದರೂ ಕ್ರಮಗಳಾಗಿಲ್ಲ. ಕೂಡಲೇ ಹಳ್ಳಕ್ಕೆ ಮೇಲ್ಸೇತುವೆ ನಿರ್ಮಾಣ ಮಾಡಿ ಜನರ ಸಂಚಾರಕ್ಕೆ ಅನುಕೂಲ ಮಾಡಿ ಕೊಡಬೇಕು ಎಂದು ನಿಲೋಗಿಪುರ ಗ್ರಾಮಸ್ಥರು ಒತ್ತಾಯಿಸಿದರು.
