ಪ್ರತಿಭಟನಾ ಸ್ಥಳಕ್ಕೆ ಧಾವಿಸದ ತಹಸೀಲ್ದಾರ್ ವಿಠ್ಠಲ ಚೌಗಲೆ, ತಾಪಂ ಇಒ ದುಂಡೇಶ ತುರಾದಿ, ಶೀಘ್ರವೇ ರಸ್ತೆ ದುರಸ್ತಿಗೆ ಕ್ರಮ ಕೈಗೊಳ್ಳುವ ಭರವಸೆ ನೀಡಿದರು. ಇದಕ್ಕೆ ಒಪ್ಪದ ಮಹಿಳೆಯರು, ಲಿಖಿತ ಹೇಳಿಕೆ ನೀಡುವವರೆಗೆ ಧರಣಿ ಮುಂದುವರಿಸುವುದಾಗಿ ಪಟ್ಟು ಹಿಡಿಹಿದರು. ಹೊರಡುತ್ತಿದ್ದ ತಹಸೀಲ್ದಾರ್ ಜೀಪ್ ತಡೆದರು. ಪೊಲೀಸರ ಮನವೊಲಿಕೆಗೂ ಬಗ್ಗದೆ ಜೀಪ್ ಮುಂದೆಯೇ ಧರಣಿ ಆರಂಭಿಸಿದ್ದರಿಂದ ಅಧಿಕಾರಿಗಳು ವಾಹನದಲ್ಲೇ ಕೂರುವಂತಾಯಿತು. ನಂತರ ಗ್ರಾಮದ ಮುಖಂಡರಾದ ಪ್ರದೀಪಗೌಡ ಮಾಲಿಪಾಟೀಲ, ಮಲ್ಲಣ್ಣ ಶಿಳ್ಳಿನ ಮಾತನಾಡಿ, ಎರಡು ತಿಂಗಳೊಳಗೆ ರಸ್ತೆ ದುರಸ್ತಿ ಮಾಡದಿದ್ದರೆ ಹೋಬಳಿ ಕೇಂದ್ರದಲ್ಲಿ ಉಗ್ರ ಹೋರಾಟ ನಡೆಸುವುದಾಗಿ ಎಚ್ಚರಿಕೆ ನೀಡಿ ಧರಣಿ ಹಿಂಪಡೆಯಲಾಯಿತು. ಸಿಪಿಐ ಸುರೇಶ ಡಿ, ಪಿಎಸ್ಐ ಪ್ರಹ್ಲಾದ ನಾಯಕ, ಆರ್ಐ ಸುರೇಶ, ಪಿಡಿಒ ಸುರೇಶ, ಕಾರ್ಯದರ್ಶಿ ಸಣ್ಣಜಂಬಣ್ಣ, ಎಇ ನೇತ್ರಾವತಿ, ಎಎಸ್ಐ ಖಾದರ್, ಶಶಿಕಾಂತ ರಾಠೋಡ್ ಇದ್ದರು.
