ಅಹಮದಾಬಾದ್ - ಮಂಗಳೂರು ವಿಶೇಷ ರೈಲು ಜುಲೈ ಅಂತ್ಯದವರೆಗೆ ವಿಸ್ತರಣೆ

ರೈಲು ಸಂಖ್ಯೆ 09424 ಅಹಮದಾಬಾದ್ ಜಂಕ್ಷನ್ - ಮಂಗಳೂರು ಜಂಕ್ಷನ್ ವಾರದ ವಿಶೇಷ ರೈಲು ಪ್ರತಿ ಶುಕ್ರವಾರ ಸಂಚರಿಸಲಿದ್ದು, ಈ ಹಿಂದೆ ಮೇ 29ರ ವರೆಗೆ ಪ್ರಕಟಿಸಲಾಗಿದ್ದ ಸೇವೆಯನ್ನು ಇದೀಗ ಜುಲೈ 3ರಿಂದ ಜುಲೈ 31ರ ವರೆಗೆ ಇನ್ನೂ 5 ಹೆಚ್ಚುವರಿ ಟ್ರಿಪ್‌ಗಳಿಗೆ ವಿಸ್ತರಿಸಲಾಗಿದೆ.

ರೈಲು ಸಂಖ್ಯೆ 09423 ಮಂಗಳೂರು ಜಂಕ್ಷನ್ - ಅಹಮದಾಬಾದ್ ಜಂಕ್ಷನ್ ವಾರದ ವಿಶೇಷ ರೈಲು ಪ್ರತಿ ಶನಿವಾರ ಸಂಚರಿಸಲಿದ್ದು, ಮೇ 30, ರ ವರೆಗೆ ಇದ್ದ ಸೇವೆಯನ್ನು ಜುಲೈ 4ರಿಂದ ಆಗಸ್ಟ್ 1 ರ ವರೆಗೆ ಇನ್ನೂ 5 ಟ್ರಿಪ್‌ಗಳಿಗೆ ವಿಸ್ತರಿಸಲಾಗಿದೆ.

ಇದರ ಜೊತೆಗೆ, 09424 ಅಹಮದಾಬಾದ್ - ಮಂಗಳೂರು ವಿಶೇಷ ರೈಲು ಮಂಗಳೂರು ಜಂಕ್ಷನ್‌ಗೆ ಆಗಮಿಸುವ ಸಮಯವನ್ನು ಪರಿಷ್ಕರಿಸಲಾಗಿದ್ದು, ಇನ್ನು ಮುಂದೆ ರೈಲು ರಾತ್ರಿ 9 ಗಂಟೆಗೆ ಮಂಗಳೂರು ಜಂಕ್ಷನ್‌ಗೆ ತಲುಪಲಿದೆ ಎಂದು ರೈಲ್ವೆ ಪ್ರಕಟಣೆ ತಿಳಿಸಿದೆ.