ಕೃಷಿ ಭೂಮಿಗೆ ನುಗ್ಗಿದ ತ್ಯಾಜ್ಯ, ಮಣೂರು ಪಡುಕರೆ ಭಾಗದ ರೈತರಲ್ಲಿ ಆತಂಕ

ಕೃಷಿ ಮಾಡುವುದೇ ಕಷ್ಟ. ಒಂದೆಡೆ ಪ್ರಕೃತಿ ವಿಕೋಪದಿಂದ ಹಾನಿ, ಇನ್ನೊಂದೆಡೆ ಕಾಡುಪ್ರಾಣಿಗಳ ಉಪಟಳ. ಇದಲ್ಲದೆ ಪ್ಲಾಸ್ಟಿಕ್, ತ್ಯಾಜ್ಯವಸ್ತುಗಳನ್ನು ಕಂಡಕಂಡಲ್ಲಿ ಎಸೆಯುವ ಚಾಳಿಗೆ ಸ್ಥಳೀಯಾಡಳಿತ ಅಗತ್ಯ ಕ್ರಮ ಕೈಗೊಂಡು ಕೃಷಿ ಭೂಮಿ ಪ್ರದೇಶಗಳಲ್ಲಿ ಹಾನಿಯಾಗದಂತೆ ನೋಡಿಕೊಳ್ಳಬೇಕು. - ಜಯರಾಮ ಶೆಟ್ಟಿ, ಕೋಟ ರೈತಧ್ವನಿ ಸಂಘ ಅಧ್ಯಕ್ಷ ಪ್ಲಾಸ್ಟಿಕ್ ಮುಕ್ತ ಪಂಚಾಯಿತಿ ಮಾಡಲು ಹಲವು ಕ್ರಮಗಳನ್ನು ಕೈಗೊಂಡಿದ್ದು ಅದರಲ್ಲಿ ಪೇಟೆಯಲ್ಲಿರುವ ಅಂಗಡಿಗಳ ಒಣ ಕಸ ಪಡೆದು ವಿಂಗಡಿಸಲಾಗುತ್ತಿದೆ. ಮನೆಗಳ ಒಣಕಸ ಪಡೆಯಲು ಕಾರ್ಯಪ್ರವೃತ್ತರಾಗಿದೆ. ನೆರೆಹಾವಳಿ ಪ್ರಕೃತಿ ವಿಕೋಪದಿಂದ ಆಗಿದ್ದರಿಂದ ಇದರ ಬಗ್ಗೆ ಮಾಹಿತಿ ಪಡೆದು ನಮ್ಮ ವ್ಯವಸ್ಥೆಯ ಮೂಲಕ ಆಗುವ ಪರಿಹಾರ ಕಂಡುಕೊಳ್ಳಲಾಗುವುದು. -ಸುರೇಶ್ ಬಂಗೇರ, ಕೋಟ ಗ್ರಾಪಂ ಅಭಿವೃದ್ಧಿ ಅಧಿಕಾರಿ

ನಮ್ಮ ಭಾಗದಲ್ಲಿ ಹಂದಿ ಮೊದಲಾದ ಕಾಡುಪ್ರಾಣಿಗಳು ಅತಿಯಾಗಿ ಕಾಣಿಸಿಕೊಂಡು ಕೃಷಿ ಭೂಮಿಯನ್ನು ಹಾನಿಗೊಳಿಸಿವೆ. ಈ ಬಗ್ಗೆ ಇಲಾಖೆ ಹಾಗೂ ಜನಪ್ರತಿನಿಧಿಗಳ ಗಮನಕ್ಕೆ ತಂದಿದ್ದೇನೆ. ಪರಿಹಾರದ ಭರವಸೆ ನೀಡಿದ್ದಾರೆ. - ರಾಜಾರಾಮ ಶೆಟ್ಟಿ, ಸ್ಥಳೀಯ ಕೃಷಿಕರು ಹಂದಿ ಉಪಟಳ ಕಂಡುಬಂದ ಪ್ರದೇಶಕ್ಕೆ ಭೇಟಿ ನೀಡಿದ್ದೇವೆ. ಅಲ್ಲಿ ಓರ್ವ ರೈತರನ್ನು ಗಾಯಗೊಳಿಸದ ಪ್ರಕರಣಕ್ಕೆ ಸಂಬಂಧಿಸಿ ಸರ್ಕಾರದಿಂದ ಪರಿಹಾರ ಒದಗಿಸಲಾಗುತ್ತದೆ. ಕೃಷಿ ಭೂಮಿ ಹಾನಿ ಕುರಿತಂತೆ ಆ ಭಾಗದ ರೈತರು ಅರ್ಜಿ ನೀಡಿದರೆ ಕೃಷಿ ಇಲಾಖೆ ಮೂಲಕ ಸರ್ಕಾರದಿಂದ ಬೆಳೆಹಾನಿ ಪರಿಹಾರ ನೀಡಲು ಪ್ರಯತ್ನಿಸಲಾಗುವುದು. - ಹರೀಶ್ ಕೆ., ಉಪವಲಯ ಅರಣ್ಯಾಧಿಕಾರಿ ಬ್ರಹ್ಮಾವರ