ಹಿಂಡು ಬೆಳೆ: ತುಂಡು ಜಮೀನಿನಲ್ಲಿ ಹಿಂಡು ಬೆಳೆ ಎಂಬಂತೆ ಸಮಗ್ರ ಕೃಷಿ ಪದ್ಧತಿ ಅನುಸರಣೆಯಿಂದ ರೈತರು ಕೃಷಿಯನ್ನು ಲಾಭದಾಯಕ ಮಾಡಿಕೊಳ್ಳಬಹುದಾಗಿದೆ. ಹೂವು, ತರಕಾರಿ, ಹಣ್ಣು, ಕೃಷಿ ಬೆಳೆ, ಹೈನುಗಾರಿಕೆ... ಈ ರೀತಿ ಎಲ್ಲ ಉಪಕಸಬು ಕೂಡಿಸಿಕೊಂಡು ಕೃಷಿ ಮಾಡುವ ಮೂಲಕ ನಿಶ್ಚಿತ ಆದಾಯ ಪಡೆಯಲು ಅವಕಾಶವಿದೆ. ಕೃಷಿ ತ್ಯಾಜ್ಯ ಬಳಸಿ ಗೊಬ್ಬರ, ಸಾವಯವ ಗೊಬ್ಬರ ಸೇರಿದಂತೆ ಹೊಸ ಉಪ ಉತ್ಪನ್ನ ತಯಾರಿಸಬಹುದಾಗಿದೆ. ಸಾಮಾಜಿಕ ಜಾಲತಾಣಗಳನ್ನು ಬಳಸಿಕೊಂಡು ಕೃಷಿ ಉತ್ಪನ್ನ ಮಾರಾಟ ಮಾಡಬಹುದಾಗಿದೆ. ಮಾರುಕಟ್ಟೆ ಅಧ್ಯಯನ, ಮಾರುಕಟ್ಟೆ ಮಾಹಿತಿ, ತಂತ್ರಜ್ಞಾನ ಆಧಾರಿತ ಕೃಷಿಗೆ ಹೇರಳ ಅವಕಾಶಗಳು ಗೋಚರಿಸುತ್ತವೆ. ವಿದ್ಯಾವಂತರು, ಐಟಿ ಬಿಟಿ ವಲಯದವರು ಕೃಷಿಯಲ್ಲಿ ಹೂಡಿಕೆ ಮಾಡಲು ವಿಪುಲ ಅವಕಾಶಗಳಿವೆ.
