ಬೆಂಗಳೂರು: ಇಂದು ದೇಶ ಮಧ್ಯದಲ್ಲಿ ನಾವೆಲ್ಲರೂ ಸುರಕ್ಷಿತವಾಗಿದ್ದೇವೆ ಎಂದರೆ ಅದಕ್ಕೆ ಕಾರಣ ನಮಗೋಸ್ಕರ ಮತ್ತಾರೋ ತಮ್ಮ ಪ್ರಾಣವನ್ನ ಒತ್ತೆಯಿಟ್ಟು ಹೋರಾಡುತ್ತಿದ್ದಾರೆ; ಗಡಿಯಲ್ಲಿ ನಿಂತು ಸಾವಿನ ಜೊತೆ ಸರಸ ಆಡುತ್ತಿದ್ದಾರೆ ಎಂದರ್ಥ. ಸಮವಸ್ತ್ರ ತೊಟ್ಟು ಹೋರಾಡುತ್ತಿರುವ ಯೋಧರು ಒಂದು ಕಡೆಯಾದರೆ, ತಾವು ಯಾರು ಅನ್ನೋದನ್ನು ಹೊರ ಜಗತ್ತಿಗೂ ಹೇಳದೇ, ತಮ್ಮ ಕುಟುಂಬದವರಿಗೂ ಗೊತ್ತಿಲ್ಲದೇ ಹೋರಾಡುತ್ತಿರುವವರು ಮತ್ತೊಂದು ಕಡೆ. ಹುಟ್ಟಿದ ಊರು ಬಿಟ್ಟು ಯಾವುದೋ ದೇಶದಲ್ಲಿ ಗೂಡಚಾರಿಗಳಾಗಿ ಕೆಲಸ ಮಾಡುತ್ತಾ ದೇಶಸೇವೆ ಮಾಡುತ್ತಿರುವವರ ಸೇವೆಗೆ ಸರಿಸಾಟಿ ಇಲ್ಲ. ಪ್ರತಿಕ್ಷಣವೂ ಸವಾಲಿನಂತಿರುವ ಸನ್ನಿವೇಶದಲ್ಲಿ ಬದುಕಿದ ಸೀಕ್ರೆಟ್ ಏಜೆಂಟ್ಗಳ ಕುರಿತ ವಿಶೇಷ ಸರಣಿ ಕಾರ್ಯಕ್ರಮವೊಂದು ಇಂದಿನಿಂದ ನ್ಯೂಸ್ಫಸ್ಟ್ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.
