ಹಿಜಾಬ್​ ಕಿಚ್ಚು ಹೊತ್ತಿಸಿದವರ ಶಕ್ತಿಪ್ರದರ್ಶನ: ಅದೇ ಆರು ವಿದ್ಯಾರ್ಥಿನಿಯರಿಂದ ಮತ್ತೆ ತಕರಾರು

ಉಡುಪಿ: ರಾಜ್ಯದಲ್ಲಿ ಪ್ರಪ್ರಥಮ ಬಾರಿಗೆ ಹಿಜಾಬ್ ಕಿಚ್ಚು ಹೊತ್ತಿಸಿದ ಅದೇ ಆರು ವಿದ್ಯಾರ್ಥಿನಿಯರು ಪುನಃ ತಕರಾರು ತೆಗೆದಿದ್ದಾರೆ. ಮಾತ್ರವಲ್ಲ ಅವರೊಂದಿಗೆ ನೂರಾರು ಜನರು ಸೇರಿದ್ದು, ಶಕ್ತಿಪ್ರದರ್ಶನ ಮಾಡುವಂಥ ಪ್ರಯತ್ನವೂ ನಡೆದಿದೆ.

ಸಮವಸ್ತ್ರವನ್ನು ಪಾಲಿಸುವಂತೆ ಸರ್ಕಾರ ಹೊರಡಿಸಿರುವ ಆದೇಶವನ್ನೇ ಧಿಕ್ಕರಿಸಿ ಈ ವಿದ್ಯಾರ್ಥಿನಿಯರು ಪ್ರತಿಭಟನೆಗೆ ಇಳಿದಿದ್ದು, ಇವರೊಂದಿಗೆ ಮುಸ್ಲಿಂ ಸಮುದಾಯದ ನೂರಾರು ಮಹಿಳೆಯರು ಕೂಡ ಜೊತೆಯಾಗಿದ್ದಾರೆ.

ಉಡುಪಿಯ ಅಜ್ಜರಕಾಡು ಮೈದಾನದ ಬಳಿ ಇರುವ ಹುತಾತ್ಮ ಸ್ಮಾರಕದಲ್ಲಿ ಸಿಎಫ್​ಐ ಸಂಘಟನೆಯ ನೇತೃತ್ವದಲ್ಲಿ ಈ ಪ್ರತಿಭಟನೆ ನಡೆಯುತ್ತಿದೆ.

ಹಿಜಾಬ್​ ಧರಿಸಿ ತರಗತಿಗೆ ಹಾಜರಾಗುವ ವಿಚಾರವಾಗಿ ದೇಶವ್ಯಾಪಿ ಚಳುವಳಿ ನಡೆಸುತ್ತೇವೆ. ನ್ಯಾಯಾಲಯ ನಮ್ಮ ಪರವಾಗಿ ತೀರ್ಪು ನೀಡುತ್ತದೆ ಎಂಬ ಆಶಾಭಾವನೆ ಇದೆ. ನ್ಯಾಯಾಲಯದಲ್ಲಿ ನಮ್ಮ ವಿರುದ್ಧ ಆದೇಶ ಬಂದರೂ ಹೋರಾಟ ಮುಂದುವರಿಯುತ್ತದೆ ಎಂದು ಸಿಎಫ್ಐ ಮುಖಂಡೆ ನಜ್ಮಾ ಫಾತಿಮಾ ಹೇಳಿದ್ದಾರೆ.

https://www.vijayavani.net/against-kundapura-mla-two-students-appealed-to-high-court/

https://www.vijayavani.net/hyderabad-muslims-enters-to-kundapur-regarding-hijab-issue/