ಗ್ರಾಪಂ ಅಧ್ಯಕ್ಷರ ಮಾಸಿಕ 3 ಸಾವಿರದಂತೆ ತಲಾ 9 ಸಾವಿರ ರೂ., ಉಪಾಧ್ಯಕ್ಷರ ಮಾಸಿಕ 2 ಸಾವಿರ ರೂ.ದಂತೆ ತಲಾ 6 ಸಾವಿರ ರೂ. ಹಾಗೂ ಸದಸ್ಯರ ಮಾಸಿಕ 1 ಸಾವಿರ ರೂ.ದಂತೆ ತಲಾ 3 ಸಾವಿರ ರೂ.ಗಳನ್ನು ಆಯಾ ಗ್ರಾಪಂ ಬ್ಯಾಂಕ್ ಖಾತೆಗೆ ಜಮೆ ಆಗಲಿದೆ. ಜಿಪಂ ಸಿಇಒಗಳು ತಮ್ಮ ವ್ಯಾಪ್ತಿಯ ಗ್ರಾಪಂಗಳ ಚುನಾಯಿತ ಪ್ರತಿನಿಧಿಗಳ ನಿಖರ ಸಂಖ್ಯೆ ಗಣನೆಗೆ ತಗೆದುಕೊಂಡು ಪ್ರತಿ ಗ್ರಾಪಂಗೆ ನೀಡಬೇಕಾಗಿರುವ ಮೊತ್ತವನ್ನು ಲೆಕ್ಕ ಹಾಕಿ, ಅಂತಹ ಮೊತ್ತವನ್ನು ಆಯಾ ಬ್ಯಾಂಕ್ ಖಾತೆಗೆ ವರ್ಗಾಯಿಸಿ ಗೌರವಧನ ಪಾವತಿಗೆ ಕ್ರಮ ಕೈಗೊಳ್ಳಬೇಕಿದೆ. ಗೌರವಧನವನ್ನು ಸಕಾಲದಲ್ಲಿ ತುರ್ತಾಗಿ ಪಾವತಿಸಬೇಕಿದ್ದು, ತಾಂತ್ರಿಕ ದೋಷ ಕಂಡುಬಂದಲ್ಲಿ ಖಜಾನೆ ಅಧಿಕಾರಿಗಳು ಖುದ್ದು ಹಾಜರಾಗಿ ದೋಷ ಸರಿಪಡಿಸಬೇಕು ಎಂದು ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆ ಸರ್ಕಾರದ ಅಧೀನ ಕಾರ್ಯದರ್ಶಿ(ಜಿಪಂ) ಸಿ.ಮಂಜೂರ್ ಫೆ.1ರಂದು ಸುತ್ತೋಲೆ ಹೊರಡಿಸಿದ್ದಾರೆ.
