ಆನೇಕಲ್ : ಬನ್ನೇರುಘಟ್ಟ ಜೈವಿಕ ಉದ್ಯಾನವನದಲ್ಲಿ 2 ಗಂಡು ಹುಲಿ ಮರಿಗಳನ್ನು 5 ವರ್ಷಗಳ ಅವಧಿಗೆ ಪ್ರೆಸ್ಟೀಜ್ ಗ್ರೂಪ್ ದತ್ತು ತೆಗೆದುಕೊಂಡಿದೆ. ಮರಿಗಳಿಗೆ ಸಿಂಬಾ ಮತ್ತು ಶೇರು ಎಂದು ಹೆಸರಿಡಲಾಗಿದೆ ಮತ್ತು ಪ್ರೆಸ್ಟೀಜ್ ಮುಂದಿನ ಐದು ವರ್ಷಗಳ ಕಾಲ ಅವುಗಳ ಆರೈಕೆ ಮಾಡಲಿದೆ. ಸಂಸ್ಥೆಯು ವರ್ಷಕ್ಕೆ ಒಂದು ಹುಲಿಗೆ 2 ಲಕ್ಷ ರೂ. ಮೀಸಲಿಟಿದ್ದು, 5 ವರ್ಷಕ್ಕೆ ಎರಡೂ ಹುಲಿಗಳಿಗೆ ಸೇರಿ ಸುಮಾರು 20 ಲಕ್ಷ ರೂ. ವ್ಯಯ ಮಾಡಲಿದೆ. ವನ್ಯಜಿವಿ ಸಂರಕ್ಷಣೆ, ಪರಿಸರ ಸಮತೋಲನ ಮತ್ತು ಜೀವವೈವಿಧ್ಯ ರಕ್ಷಣೆ ಹಾಗೂ ಸಾರ್ವಜನಿಕ ಜಾಗೃತಿ ಮೂಡಿಸುವ ಮಹತ್ಕಾರ್ಯಕ್ಕೆ ದತ್ತು ಕಾರ್ಯಕ್ರಮ ಸಹಕಾರಿಯಾಗಿದೆ ಎಂದು ಉದ್ಯಾನವನದ ಆಡಳಿತ ಮಂಡಳಿ ತಿಳಿಸಿದೆ.
