ವಿವೇಕಾನಂದರ ಆದರ್ಶ ರೂಢಿಸಿಕೊಳ್ಳಿ

ವಿಜಯಪುರ : ಸ್ವಾಮಿ ವಿವೇಕಾನಂದರು ವಿಶ್ವಕ್ಕೆ ಸಹೋದರತೆ ಮತ್ತು ಸಾಮರಸ್ಯ ಸಾರಿದ ಮಹಾನ್​ ಪುರುಷರು. ಯುವಜನತೆ ಅಂತಹ ಮಹನೀಯರ ತತ್ವಾದರ್ಶಗಳನ್ನು ಮೈಗೂಡಿಸಿಕೊಳ್ಳಬೇಕು ಎಂದು ಕುಲಪತಿ ಡಾ. ಆರ್​.ಎಸ್​. ಮುಧೋಳ ಹೇಳಿದರು.

ನಗರದ ಬಿಎಲ್​ಡಿಇ ಡೀಮ್ಡ್​ ವಿಶ್ವವಿದ್ಯಾಲಯದಲ್ಲಿ ಸೋಮವಾರ ಸ್ವಾಮಿ ವಿವೇಕಾನಂದ ಜಯಂತಿ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಜಯಂತಿ ಅಂಗವಾಗಿ ವಿದ್ಯಾರ್ಥಿಗಳು ಸ್ವಯಂಪ್ರೇರಿತವಾಗಿ ರಕ್ತದಾನ ಮಾಡಿದರು. ವಿವಿ ಸಮಕುಲಾಧಿಪತಿ ಡಾ. ವೈ.ಎಂ. ಜಯರಾಜ, ರಿಜಿಸ್ಟ್ರಾರ್​ ಡಾ. ಆರ್​.ವಿ. ಕುಲಕರ್ಣಿ, ಅಲೈಡ್​ ಹೆಲ್ತ್​ ಸೈನ್ಸ್​ ಡೀನ್​ ಡಾ. ಎಸ್​.ವಿ. ಪಾಟೀಲ, ಸ್ಟುಡೆಂಟ್​ ಅಫೇರ್ಸ್​ ಡೀನ್​ ಡಾ. ಆನಂದ ಅಂಬಲಿ, ಚೀಫ್​ ವಾರ್ಡನ್​ ಡಾ. ಉದಯಕುಮಾರ ನುಚ್ಚಿ, ಡಾ. ಸುರೇಖಾ ಹಿಪ್ಪರಗಿ, ಡಾ. ವಿಜಯಕುಮಾರ ವಾರದ, ಡಾ. ಶ್ರೀನಿವಾಸ ರಾಯ್ಕರ, ರಕ್ತನಿಧಿ ಉಸ್ತುವಾರಿ ಡಾ. ಸತೀಶ ಅರಕೇರಿ, ಸತೀಶ ಪಾಟೀಲ ಮತ್ತಿತರರಿದ್ದರು.