ಕರೊನಾ ಹಿನ್ನೆಲೆಯಲ್ಲಿ 1ರಿಂದ 10ನೇ ತರಗತಿ ವರೆಗೆ ಶಾಲೆಗಳನ್ನು ಬಂದ್ ಮಾಡಲಾಗಿತ್ತು. ನಂತರ ಶಾಲೆಗಳಲ್ಲಿ ವಿದ್ಯಾಗಮ, ಆನ್ಲೈನ್ ತರಗತಿಗಳು ಆರಂಭವಾದವು. ಕರೊನಾ ಲಾಕ್ಡೌನ್ ಹಾಗೂ ಆರ್ಥಿಕ ಹಿಂಜರಿಕೆಯ ಕಾರಣ ಮಕ್ಕಳ ಪಾಲಕರ ಆದಾಯದಲ್ಲಿ ಸಾಕಷ್ಟು ಕುಸಿತವಾಗಿದೆ. ಈ ಹಿನ್ನೆಲೆಯಲ್ಲಿ ಸಾಕಷ್ಟು ಪಾಲಕರು ತಮ್ಮ ಮಕ್ಕಳನ್ನು ಸರ್ಕಾರಿ ಶಾಲೆಗೆ ಸೇರಿಸಲು ಮುಂದಾಗಿರುವುದು ಇದಕ್ಕೆ ಕಾರಣವಾಗಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ. 2019-20ನೇ ಸಾಲಿನಲ್ಲಿ ಧಾರವಾಡ ಜಿಲ್ಲೆಯ 848 ಸರ್ಕಾರಿ ಶಾಲೆಗಳಲ್ಲಿ 1,37,134 ಮಕ್ಕಳ ಸಂಖ್ಯೆ ಇತ್ತು. ಅನುದಾನಿತ 230 ಶಾಲೆಗಳಲ್ಲಿ 57,319, ಅನುದಾನ ರಹಿತ 440 ಶಾಲೆಗಳಲ್ಲಿ 1,25,971 ವಿದ್ಯಾರ್ಥಿಗಳ ಸಂಖ್ಯೆ ದಾಖಲಾಗಿತ್ತು. 2020-21ನೇ ಸಾಲಿನಲ್ಲಿ 848 ಸರ್ಕಾರಿ ಶಾಲೆಗಳಲ್ಲಿ 1,42,962, ಅನುದಾನಿತ 230 ಶಾಲೆಗಳಲ್ಲಿ 57,200, ಅನುದಾನ ರಹಿತ 440 ಶಾಲೆಗಳಲ್ಲಿ 1,30,353 ವಿದ್ಯಾರ್ಥಿಗಳ ಹೆಸರು ದಾಖಲಾಗಿದೆ.
