ಗದ್ದಲ ನಡುವೆಯೂ ಕರೊನಾ ವಿಷಯದ ಮೇಲೆ ಕಾಂಗ್ರೆಸ್ ನಡೆಸಿದ್ದ ಸುದೀರ್ ಚರ್ಚೆಗೆ ಆರೋಗ್ಯ ಸಚಿವ ಡಾ.ಕೆ.ಸುಧಾಕರ್ ಉತ್ತರಿಸಿ, ಕರೊನಾ ಮೊದಲ, ಎರಡನೇ ಅಲೆ ಸಮರ್ಥವಾಗಿ ನಿಭಾಯಿಸಿದ್ದು, ಮೂರನೇ ಅಲೆಗೂ ನಿರ್ವಹಣೆಗೆ ತಯಾರಿ ನಡೆದಿದೆ ಎಂದರು. ಕರೊನಾ ನಿಯಂತ್ರಣಕ್ಕೆ ಕೈಗೊಂಡ ಕ್ರಮಗಳನ್ನು ವಿವರಿಸುವಾಗ ಕಾಂಗ್ರೆಸ್ ರಾಜಕೀಯ ಮಾಡುತ್ತಿದ್ದು, ಜನರ ಬಗ್ಗೆ ಇವರಿಗೆ ಇರುವ ಕಾಳಜಿ, ಬದ್ಧತೆ ಎಷ್ಟೆಂಬುದು ತೋರಿಸಿಕೊಡುತ್ತದೆ ಎಂದು ಸುಧಾಕರ್ ಛೇಡಿಸಿದರು. ಕೋಲಾಹಲದ ವಾತಾವರಣ, ಘೋಷಣೆಗಳತ್ತ ಕಿವಿಗೊಡದ ಸ್ಪೀಕರ್, ವಿಧಾನಮಂಡಲದ ಪರಿಶಿಷ್ಟ ಜಾತಿ ಮತ್ತು ಪಂಗಡಗಳ ಕಲ್ಯಾಣ ಸಮಿತಿ, ಸ್ಥಳಿಯ ಸಂಸ್ಥೆಗಳ ಮತ್ತು ಪಂಚಾಯತ್ ರಾಜ್ ಸಂಸ್ಥೆಗಳ ಸಮಿತಿ ವರದಿಗಳನ್ನು ಸದನದಲ್ಲಿ ಮಂಡಿಸಲು ಅವಕಾಶ ಕಲ್ಪಿಸಿದರು. ಅಲ್ಲದೆ, ವಿಧಾನಸಭೆ ಮುಂಗಾರು ಅಧಿವೇಶನದ 10 ದಿನಗಳ ಕಾರ್ಯಕಲಾಪದ ವರದಿಯನ್ನು ಸದನಕ್ಕೆ ಒಪ್ಪಿಸಿ, ಅನಿದಿರ್ಷ್ಟಾವಧಿಗೆ ಮುಂದೂಡಿದರು.
