ತಾಲೂಕಿನ ತೊಗರ್ಸಿಯಲ್ಲಿ ಶ್ರೀ ಮೈಲಾರಲಿಂಗೇಶ್ವರ ಶಿಬಾರ ಸಮಿತಿಯು 34ನೇ ವರ್ಷದ ಶಿಬಾರೋತ್ಸವ ನಿಮಿತ್ತ ಏರ್ಪಡಿಸಿದ್ದ ಧಾರ್ಮಿಕ ಕಾರ್ಯಕ್ರಮದ ಸಾನ್ನಿಧ್ಯ ವಹಸಿ ಆಶೀರ್ವಚನ ನೀಡಿದ ಶ್ರೀಗಳು, ತೊಗರ್ಸಿಯಲ್ಲಿ ಮೂರೂವರೆ ದಶಕಗಳ ಹಿಂದೆ ಮೈಲಾರಲಿಂಗೇಶ್ವರ ಶಿಬಾರ ಸ್ಥಾಪನೆ ಮಾಡಲಾಗಿದೆ. ಸಮಿತಿಯವರು ಸಾಂಪ್ರದಾಯಿಕವಾಗಿ ಪೂಜೆ ನಡೆಸಿಕೊಂಡು ಬರುತ್ತಿದ್ದಾರೆ ಎಂದರು.
ಧರ್ಮ ಕಾರ್ಯ ಮಾಡುವವರು ಸದಾ ಸಂತೋಷ, ನೆಮ್ಮದಿಯಿಂದ ಇರುತ್ತಾರೆ. ರಾಗದ್ವೇಷಗಳಿಂದ ಮನಸ್ಸು ಹಾಳಾಗುತ್ತದೆ. ಶ್ರೀ ಮಳೆ ಹಿರೇಮಠದಿಂದ ಶಿಬಾರ ನಿರ್ಮಿಸಲು ಮೈಲಾರಲಿಂಗೇಶ್ವರ ಸ್ವಾಮಿ ಸಮಿತಿಗೆ ಸ್ಥಳ ನೀಡಲಾಗಿದೆ. ಶ್ರೀ ಮೈಲಾರಲಿಂಗೇಶ್ವರ ಸ್ವಾಮಿ ಯ ಆರಾಧನೆ ಮತ್ತು ಸೇವೆ ಅತ್ಯಂತ ವಿಶಿಷ್ಟ ವಾಗಿವೆ ಎಂದು ಹೇಳಿದರು.
ಸಮಿತಿಯ ಪುನೀತ್ ಗೌಳಿ, ಪ್ರಧಾನ ಅರ್ಚಕ ವಿಜಯಕುಮಾರ್ ನಾಡಿಗೇರ್, ಪ್ರಮುಖರಾದ ನಾಗೇಂದ್ರ ಜಿಂಗಾಡೆ, ಮಲ್ಲೇಶಪ್ಪ ಸುಣಗಾರ್, ಅನಿಲ್ ಗೌಳಿ, ನಾಗರಾಜ್, ಪ್ರಕಾಶ್, ಉಮೇಶ್ ಗೌಳಿ, ಅನಿಲ್, ಶಿವಣ್ಣ, ಮುತ್ತು ಇತರರಿದ್ದರು. ಅರ್ಚಕ ಸತ್ಯನಾರಾಯಣ ರಾವ್ ನೇತೃತ್ವದಲ್ಲಿ ಧಾರ್ಮಿಕ ಕಾರ್ಯಕ್ರಮ ನೆರವೇರಿತು.
