ಬಿಎಎಲ್​ಡಿಇ ಕಾಲೇಜ್​ ವಿದ್ಯಾರ್ಥಿಗಳ ಸಾಧನೆ

ವಿಜಯಪುರ: ಬೆಂಗಳೂರಿನ ರಾಜೀವಗಾಂಧಿ ಆರೋಗ್ಯ ವಿಜ್ಞಾನಗಳ ವಿಶ್ವವಿದ್ಯಾಲಯ ಕಳೆದ ವರ್ಷ ನವೆಂಬರ್​&ಡಿಸೆಂಬರ್​ ತಿಂಗಳಿನಲ್ಲಿ ನಡೆಸಿದ ಪರೀೆಯಲ್ಲಿ ನಗರದ ಬಿಎಲ್​ಡಿಇ ಸಂಸ್ಥೆಯ ಶ್ರೀ ಸಂಗನಬಸವ ಮಹಾಸ್ವಾಮೀಜಿ ಔಷಧ (ಫಾರ್ಮಸಿ) ಮಹಾವಿದ್ಯಾಲಯದ ಐದು ಜನ ವಿದ್ಯಾರ್ಥಿಗಳು ಸ್ನಾತಕೋತ್ತರ ಮತ್ತು ನಾಲ್ಕು ಜನ ವಿದ್ಯಾರ್ಥಿಗಳು ಪದವಿ ವಿಭಾಗಗಳಲ್ಲಿ ರಾಜ್ಯ ಮಟ್ಟದಲ್ಲಿ ರ್ಯಾಂಕ್​ ಪಡೆದು ಜಿಲ್ಲೆಗೆ ಕೀರ್ತಿ ತಂದಿದ್ದಾರೆ.

ಸ್ನಾತಕೋತ್ತರ ಎಂ. ಫಾರ್ಮಾ ಪರೀೆಯಲ್ಲಿ ವಿವಿಧ ವಿಷಯಗಳ ಒಟ್ಟು 2325 ಅಂಕಗಳಿಗೆ ಪರೀೆ ನಡೆದಿತ್ತು. ಎಂ. ಫಾರ್ಮಾ ಕೆಮೆಸ್ಟ್ರಿ ವಿಭಾಗದಲ್ಲಿ ಹಣಮಂತ ಸಣ್ಣಕ್ಕಿ 3ನೇ ರ್ಯಾಂಕ್​ (2090 ಅಂಕ), ಎಂ. ಫಾರ್ಮಾ ಕ್ವಾಲಿಟಿ ಅಶೂರನ್ಸ್​ ವಿಭಾಗದಲ್ಲಿ ಜಗದೇವಿ 7ನೇ ರ್ಯಾಂಕ್​ (2033 ಅಂಕ), ಎಂ. ಫಾರ್ಮಾ ಫಾರ್ಮಸಿ ಪ್ರಾಕ್ಟಿಸ್​ ವಿಭಾಗದಲ್ಲಿ ಪ್ರಜ್ವಲ ಮಠ 3ನೇ ರ್ಯಾಂಕ್​ (2005 ಅಂಕ), ಮಲ್ಲಿಕಾರ್ಜುನ ಇರಣಿ 7ನೇ ರ್ಯಾಂಕ್​ (1930 ಅಂಕ) ಹಾಗೂ ಮುರುಗೇಶ ದೇವೂರ 10ನೇ ರ್ಯಾಂಕ್​ (1897 ಅಂಕ) ಪಡೆದುಕೊಂಡಿದ್ದಾರೆ.

ಬಿ. ಫಾರ್ಮಾ ವಿಭಾಗದಲ್ಲಿ 1ನೇ ಸೆಮಿಸ್ಟರ್​ನಲ್ಲಿ ವಿನಯ ಸಿ.ಎಂ., ಒಟ್ಟು 675 ಅಂಕಗಳ ಪೈಕಿ 583 ಅಂಕ ಪಡೆದು 5ನೇ ರ್ಯಾಂಕ್​ ಗಳಿಸಿದ್ದಾರೆ. 2ನೇ ಸೆಮಿಸ್ಟರ್​ ಒಟ್ಟು 725 ಅಂಕಗಳ ಪಟ್ಟಿ ಅಶ್ವಿನಿ ಪಾಶ್ಚಾಪುರ 3ನೇ ರ್ಯಾಂಕ್​ (648 ಅಂಕ), ದೀಪಾಲಿ ಬೀಸೆ ಮತ್ತು ಸ್ಮೀತಾ ಅಂಗಡಗೇರಿ ಇಬ್ಬರೂ 10ನೇ ರ್ಯಾಂಕ್​ (ತಲಾ 633 ಅಂಕ) ಪಡೆದಿದ್ದಾರೆ. ಅಲ್ಲದೆ, ಕಾಲೇಜಿನ 142 ವಿದ್ಯಾರ್ಥಿಗಳಿಗೆ ವಿವಿಧ ವಿಷಯಗಳಲ್ಲಿ ಹಲವು ರ್ಯಾಂಕ್​ಗಳು ಲಭಿಸಿವೆ.

ವಿದ್ಯಾರ್ಥಿಗಳ ಸಾಧನೆಗೆ ಸಂಸ್ಥೆ ಅಧ್ಯ ಎಂ.ಬಿ. ಪಾಟೀಲ, ಪ್ರಧಾನ ಕಾರ್ಯದರ್ಶಿ ಸುನೀಲಗೌಡ ಪಾಟೀಲ ಅಭಿನಂದನೆ ಸಲ್ಲಿಸಿದ್ದಾರೆ ಎಂದು ಕಾಲೇಜಿನ ಪ್ರಾಚಾರ್ಯ ಮಲ್ಲಿಕಾರ್ಜುನ ಶೆಟ್ಟಿ ಮಾಹಿತಿ ನೀಡಿದ್ದಾರೆ.