ಕೋಲಾರ ಮೂಲದ ಶೋಭಾನ್ ಬಾಬು ಬಂಧಿತ ಆರೋಪಿ. ಈತ ಪಟ್ಟಣದ ಶಿವರಾಜು ಕಾಂಪ್ಲೆಕ್ಸ್ನಲ್ಲಿ ಎನ್ಎಸ್ಆರ್ಎಲ್ ಎಂಬ ಹೆಸರಿನಲ್ಲಿ ಅಂಗಡಿಯೊಂದನ್ನು ತೆರೆದು ತಾಲೂಕಿನ ಜನರ ವಿಶ್ವಾಸ ಗಳಿಸಿದ್ದ. ಗ್ರಾಹಕರಿಂದ ಹಣ ಕಟ್ಟಿಸಿಕೊಂಡು ದಿನಸಿ ಪದಾರ್ಥಗಳನ್ನು ನೀಡುತ್ತಿದ್ದ. ಆರಂಭದಲ್ಲಿ ಸಕಾಲಕ್ಕೆ ದಿನಸಿ ಪೂರೈಸುವ ಮೂಲಕ ಜನರ ನಂಬಿಕೆ ಗಳಿಸಿದ್ದ. ಹೀಗಾಗಿ, ಬಹುತೇಕರು ಈತನಿಂದ ಕಾರ್ಡ್ ಪಡೆದು ಹಣ ನೀಡುತ್ತಿದ್ದರು. ಆದರೆ ಎರಡು ತಿಂಗಳ ಹಿಂದೆ ಗ್ರಾಹಕರಿಂದ ಕಟ್ಟಿಸಿಕೊಂಡು, ದಿನಸಿ ನೀಡದೆ ವಂಚಿಸಿ ಪರಾರಿಯಾಗಿದ್ದನು. ಇತ್ತೀಚೆಗೆ ಅಂಗಡಿಗೆ ಬಂದಾಗ ಸಾರ್ವಜನಿಕರ ಮಾಹಿತಿ ಮೇರೆಗೆ ಪೊಲೀಸರು ಬಂಧಿಸಿ, ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ.
