ಸಾಯುತ್ತಿದ್ದ ನಾಯಿಗೆ ನೀರು ಕುಡಿಸಲು ಬಂದವ ಸ್ಥಳದಲ್ಲೇ ಶವವಾದ!

ಬೈಲುಕುಪ್ಪೆ(ಪಿರಿಯಾಪಟ್ಟಣ): ಅಪಘಾತಕ್ಕೊಳಗಾಗಿ ಸಾವು-ಬದುಕಿನ ನಡುವೆ ನರಳಾಡುತ್ತ ಬಿದ್ದಿದ್ದ ನಾಯಿಯೊಂದರ ಪ್ರಾಣ ಉಳಿಸಲು ಹೋದವ ಸ್ಥಳದಲ್ಲೇ ದುರಂತ ಅಂತ್ಯಕಂಡ ಹೃದಯವಿದ್ರಾವಕ ಘಟನೆ ಪಿರಿಯಾಪಟ್ಟಣ ತಾಲೂಕಿನ ಕೊಪ್ಪ ಗ್ರಾಮದಲ್ಲಿ ಸಂಭವಿಸಿದೆ.

ಹಾಸನ ಜಿಲ್ಲೆ ಹೊಳೆನರಸೀಪುರ ತಾಲೂಕು ಗುಬ್ಬಿ ಕೆರಗೋಡು ಗ್ರಾಮದ ಪುಟ್ಟಾಚಾರ್​ ಎಂಬುವರ ಪುತ್ರ ಮಹೇಶ್​ (40) ಮೃತರು. ಇದನ್ನೂ ಓದಿರಿ ಅಮಾವಾಸ್ಯೆ ದಿನ ಸಂಭವಿಸಿತು ಭೀಕರ ಅಪಘಾತ! ಈ ದೃಶ್ಯ ನೋಡಿದ್ರೆ ಬೆಚ್ಚಿಬೀಳ್ತೀರಿ…

ಸೋಮವಾರ ರಾತ್ರಿ ಪಿರಿಯಾಪಟ್ಟಣ ಕಡೆಯಿಂದ ಕುಶಾಲನಗರ ಕಡೆಗೆ ತೆರಳುತ್ತಿದ್ದ ಅಪರಿಚಿತ ವಾಹನ ಕೊಪ್ಪ ಗ್ರಾಮದ ಬಿ.ಎಂ.ರಸ್ತೆಯ ಪೆಟ್ರೋಲ್​ ಬಂಕ್​ ಬಳಿ ನಾಯಿಗೆ ಡಿಕ್ಕಿ ಹೊಡೆದುಕೊಂಡು ಹೋಗಿತ್ತು. ತೀವ್ರವಾಗಿ ಗಾಯಗೊಂಡ ನಾಯಿ ರಸ್ತೆಯಲ್ಲೇ ನರಳಾಡುತ್ತ ಬಿದ್ದಿತ್ತು. ನಾಯಿಯ ಚಿಂತಾಜನಕ ಸ್ಥಿತಿಯನ್ನು ನೋಡಿದ ಪೆಟ್ರೋಲ್​ ಬಂಕ್​ ಕೆಲಸಗಾರ ಮಹೇಶ್​, ಅದರ ಬಾಯಿಗೆ ನೀರು ಬಿಡುತ್ತಿದ್ದರು. ಅಷ್ಟರಲ್ಲಿ ಯಮರೂಪಿಯಾಗಿ ಬಂದ ಮತ್ತೊಂದು ಅಪರಿಚಿತ ವಾಹನ ಮಹೇಶ್​ಗೆ ಡಿಕ್ಕಿ ಹೊಡೆಯಿತು. ವಾಹನ ಡಿಕ್ಕಿ ಹೊಡೆದ ರಭಸಕ್ಕೆ ಮಹೇಶ್​ ಸ್ಥಳದಲ್ಲೇ ಅಸುನೀಗಿದರು.

ಬೈಲುಕುಪ್ಪೆ ಠಾಣಾಧಿಕಾರಿ ಜಮೀರ್​ ಅಹಮದ್​, ಎಎಸ್​ಐ ನಂಜುಂಡರಾಜೇ ಅರಸ್​, ಸಿಬ್ಬಂದಿ ನಂದೀಶ್​ ಸ್ಥಳ ಪರಿಶೀಲನೆ ನಡೆಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

https://www.vijayavani.net/accident-power-disaster-shimoga-three-people-death/

https://www.vijayavani.net/tragedy-story-father-and-son-death/

https://www.vijayavani.net/wife-committed-suicide-in-bagepalli/

https://www.vijayavani.net/new-twist-to-the-drugs-case-private-video-viral/