ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಪ್ರೌಢಶಾಲಾ ಶಿಕ್ಷಕರ ಸಂಘದ ರಾಜ್ಯ ಪ್ರಧಾನ ಕಾರ್ಯದರ್ಶಿ ದೇವರಾಜೇಗೌಡ ಮಾತನಾಡಿ, ಸಿಬಿಎಸ್ಇ ಮತ್ತು ಐಸಿಎಸ್ಸಿ ತರಗತಿಗಳಲ್ಲಿ 100ಕ್ಕೆ 33 ಅಂಕ ಗಳಿಸಿದರೆ ಪಾಸ್ ಆಗುವ ವ್ಯವಸ್ಥೆ ಇದೆ. ರಾಜ್ಯ ಪಠ್ಯಕ್ರಮದ ಶಾಲೆಗಳಲ್ಲಿ ಆಂತರಿಕ ಮೌಲ್ಯಮಾಪನದಲ್ಲಿ 20ಕ್ಕೆ 20 ಅಂಕ ಪಡೆದು, ಉಳಿದಂತೆ 80 ಅಂಕಗಳಿಗೆ 28 ಅಂಕ ಪಡೆದರೆ ಪಾಸಾಗುವ ವ್ಯವಸ್ಥೆ ಇದ್ದು, ಈ ತಾರತಮ್ಯ ಹೋಗಲಾಡಿಸುವ ನಿಟ್ಟಿನಲ್ಲಿ ಶಾಸಕರು ವಿಧಾನಸಭೆಯಲ್ಲಿ ವಿಚಾರ ಮಂಡಿಸಿ ಮಂತ್ರಿಗಳ ಗಮನ ಸೆಳೆಯಬೇಕು. ಆದೇ ರೀತಿ ಶಿಕ್ಷಕರಿಗೆ ಪರ್ಯಾಯ ಬೋಧನೆಗೆ ಸೂಚಿಸಿದ್ದು, ಶಿಕ್ಷಣ ಇಲಾಖೆ ರಜೆಸಹಿತ ಇಲಾಖೆ, ಬೇಸಿಗೆ ರಜೆ ಇರುವುದರಿಂದ ಶಿಕ್ಷಕರು ಬಹುತೇಕ ಸೌಲಭ್ಯ ವಂಚಿತರಾಗುತ್ತಿದ್ದೇವೆ. ನಮ್ಮ ಇಲಾಖೆಯನ್ನು ರಜೆರಹಿತ ಇಲಾಖೆ ಎಂದು ಘೋಷಿಸಿದರೆ ಸರ್ಕಾರದ ಸೌಲಭ್ಯ ಸಿಗುತ್ತವೆ. ಇದರಿಂದ ಪರ್ಯಾಯ ಬೋಧನೆಗೆ ಹೆಚ್ಚು ಅನುಕೂಲವಾಗಲಿದೆ. ಈ ಕುರಿತಾಗಿ ಶಾಸಕರು ಸರ್ಕಾರದ ಗಮನಕ್ಕೆ ತರಬೇಕು ಎಂದು ಮನವಿ ಮಾಡಿದರು.
