ಸುಧಾಗೆ ರೇಣುಕಾ ಏಜೆಂಟ್?: ಸುಧಾ ಹೇಳಿದ ಕಡೆಗೆ ತೆರಳಿ ಹಣ ಪಡೆಯುತ್ತಿದ್ದ ಅನುಮಾನದ ಮೇಲೆ ರೇಣುಕಾ ಮನೆ ಮೇಲೆ ದಾಳಿ ನಡೆದಿದೆ ಎನ್ನಲಾಗಿದೆ. ರೇಣುಕಾ ಮನೆಯಲ್ಲಿ ಬರೋಬ್ಬರಿ 3.5 ಕೆ.ಜಿ. ಚಿನ್ನ, 7 ಕೆ.ಜಿ. ಬೆಳ್ಳಿ, 36 ಲಕ್ಷ ರೂ. ನಗದು ಮಾತ್ರವಲ್ಲದೆ ಸುಮಾರು 250 ಕೋಟಿ ರೂ. ಮೌಲ್ಯದ ಆಸ್ತಿಗಳ ಪತ್ರಗಳೂ ಸಿಕ್ಕಿವೆ. ಅಲ್ಲದೆ ರೇಣುಕಾ ಮನೆಯಲ್ಲಿ 40 ಬ್ಯಾಂಕ್ ಪಾಸ್ಬುಕ್ಗಳು ಪತ್ತೆಯಾಗಿದ್ದು, ರೇಣುಕಾ 4 ಕೋಟಿ ರೂ. ಡೆಪಾಸಿಟ್ ಮಾಡಿದ್ದಾರೆ. ಜತೆಗೆ ನೂರಕ್ಕೂ ಹೆಚ್ಚು ಚೆಕ್ಗಳು, ಅಗ್ರಿಮೆಂಟ್ ಪೇಪರ್ಗಳೂ ಸಿಕ್ಕಿವೆ. ಬ್ಯಾಂಕ್ ವಹಿವಾಟಿನ ವಿವರ ಕಲೆ ಹಾಕಲಿಕ್ಕೇ ಮೂರ್ನಾಲ್ಕು ದಿನಗಳು ಬೇಕಾಗಲಿವೆ ಎಂದು ಎಸಿಬಿ ಮೂಲಗಳು ತಿಳಿಸಿವೆ.
