ಬಿಬಿಎಂಪಿಯ 33 ಕಚೇರಿಗಳ ಮೇಲೆ ಎಸಿಬಿ ದಾಳಿ, ಬಗೆದಷ್ಟೂ ಬಯಲಾಗುತ್ತಿದೆ ಭ್ರಷ್ಟಾಚಾರ..

ಬೆಂಗಳೂರು: ಭ್ರಷ್ಟಾಚಾರ ನಿಗ್ರಹ ದಳ (ಎಸಿಬಿ) ಎರಡು ದಿನಗಳಿಂದ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯ ಕಚೇರಿಗಳ ಮೇಲೆ ದಾಳಿ ನಡೆಸುತ್ತಿದ್ದು, ಇವತ್ತೂ ಕಾರ್ಯಾಚರಣೆ ಮುಂದುವರಿದಿತ್ತು. ಇಂದು ಒಂದೇ ದಿನ ಬಿಬಿಎಂಪಿಯ 33 ಕಚೇರಿಗಳ ಮೇಲೆ ದಾಳಿ ನಡೆಸಲಾಗಿದೆ.

ಭ್ರಷ್ಟಾಚಾರ ನಿಗ್ರಹ ದಳದ 200 ಸಿಬ್ಬಂದಿ-ಅಧಿಕಾರಿಗಳನ್ನು ಒಳಗೊಂಡ ಒಟ್ಟು 35 ತಂಡಗಳು ಈ ಕಾರ್ಯಾಚರಣೆಯಲ್ಲಿ ಭಾಗಿಯಾಗಿದ್ದು, ಬಿಬಿಎಂಪಿ ಕೇಂದ್ರ ಕಚೇರಿ, ಮೂರು ವಲಯ ಕಚೇರಿ ಸೇರಿ 33 ಕಡೆ ದಾಳಿ ನಡೆಸಿದೆ.

ಎಸಿಬಿ ದಾಳಿ ನಡೆಸಿ ಬಗೆದಷ್ಟೂ ಬಿಬಿಎಂಪಿ ಭ್ರಷ್ಟಾಚಾರ ಬಯಲಾಗುತ್ತಿದ್ದು, ಒಟ್ಟು ಸುಮಾರು 2 ಸಾವಿರ ಕೋಟಿ ರೂಪಾಯಿಯಷ್ಟು ಭ್ರಷ್ಟಾಚಾರ ನಡೆದಿರುವ ಶಂಕೆ ಮೂಡಿದೆ. ಪಾಲಿಕೆಯ ಜಾಹೀರಾತು, ಟಿಡಿಆರ್, ನಗರ ಯೋಜನೆ, ಕಂದಾಯ ಹಾಗೂ ಸ್ಮಾರ್ಟ್ ವಾಟರ್ ಡ್ರೈನೇಜ್ ವಿಭಾಗಗಳ ಮೇಲೆ ದಾಳಿ ನಡೆದಿದ್ದು, ಜಾಹೀರಾತು ವಿಭಾಗವೊಂದರಲ್ಲೇ 300 ಕೋಟಿ ರೂಪಾಯಿಗೂ ಅಧಿಕ ಅಕ್ರಮ ಪತ್ತೆಯಾಗಿದೆ. ಬೇರೆ ವಿಭಾಗಗಳಲ್ಲೂ ಕೋಟ್ಯಂತರ ರೂ. ಮೌಲ್ಯದ ಅಕ್ರಮ ಪತ್ತೆಯಾಗಿದ್ದು, ವಶಪಡಿಸಿಕೊಂಡಿರುವ ಕಡತಗಳ ಪರಿಶೀಲನೆ ನಡೆಯುತ್ತಿದೆ.

https://www.vijayavani.net/total-ten-people-lost-life-in-cylinder-blast-case/

https://www.vijayavani.net/rishab-shetty-is-disappointed-with-bangalore-international-film-festival/