ಕೆಎಎಸ್ ಅಧಿಕಾರಿ ಸುಧಾ ಆಪ್ತರ ಮನೆಗಳಿಗೆ ಎಸಿಬಿ ದಾಳಿ

ಬೆಂಗಳೂರು: ಆದಾಯ ಮೀರಿದ ಆಸ್ತಿ ಹೊಂದಿದ ಕೆಎಎಸ್ ಅಧಿಕಾರಿ ಡಾ.ಸುಧಾ ಅವರ ಆಪ್ತರ ಮನೆಗಳ ಮೇಲೂ ಎಸಿಬಿ ಅಧಿಕಾರಿಗಳು ದಾಳಿ ಮುಂದುವರಿಸಿದ್ದಾರೆ. ಇಂದು ಬೆಳಗ್ಗೆಯೇ ಬೆಂಗಳೂರು ನಗರ ಮತ್ತು ಸುತ್ತಮುತ್ತ 9 ಪ್ರದೇಶಗಳಲ್ಲಿರುವ ಸುಧಾ ಆಪ್ತರ ಮನೆ ಮೇಲೆ ಎಸಿಬಿ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ. ಬಹುತೇಕರು ಸುಧಾ ಅವರ ಏಜೆಂಟ್​ಗಳಾಗಿ ಕೆಲಸ ಮಾಡುತ್ತಿದ್ದವರು.

ದೊಡ್ಡ ಆಲದಮರದ ಬಳಿಯ ಭೀಮಾನಕುಪ್ಪೆಯಲ್ಲಿರುವ ಮಹೇಶ್ ಎಂಬಾತನ ಮನೆಗೆ 5 ಅಧಿಕಾರಿಗಳ ಎಸಿಬಿ ತಂಡ ಬೆಳಗ್ಗೆ ಏಳು ಗಂಟೆಗೆ ತೆರಳಿದ್ದು, ಶೋಧ ಕಾರ್ಯ ನಡೆಸಿದೆ. ಮಹೇಶ್ ಮನೆಯಲ್ಲಿ ದಾಖಲೆಗಳಿಲ್ಲದ ಹಣ, ಚಿನ್ನಾಭರಣ ಪತ್ತೆಯಾಗಿದೆ.

ಇದನ್ನೂ ಓದಿ:  ಸುಧಾ ಆಪ್ತೆ ರೇಣುಕಾ ಮನೇಲೂ ಕೆಜಿಗಟ್ಟಲೆ ಚಿನ್ನ-ಬೆಳ್ಳಿ, ಲಕ್ಷಾಂತರ ಹಣ, ಕೋಟಿಗಟ್ಟಲೆ ಮೌಲ್ಯದ ಆಸ್ತಿಪತ್ರ!

ಇದೇ ರೀತಿ, ಸುಧಾ ಜತೆಗೆ ಸಂಪರ್ಕ ಹೊಂದಿದ್ದು ವ್ಯವಹಾರ ನಡೆಸುತ್ತಿರುವವರ ಮನೆ ಕಚೇರಿಗಳ ಮೇಲೆ ಎಸಿಬಿ ದಾಳಿ ನಡೆದಿದೆ. ದೊಡ್ಡಾಲದ ಮರ ಮತ್ತು ಸುತ್ತಮುತ್ತ ಇರುವ ಆರು ಏಜೆಂಟ್​ಗಳ ಮನೆ ಮೇಲೆ ದಾಳಿ ನಡೆದಿದೆ. ಇನ್ನುಳಿದ ಮಾಹಿತಿ ಲಭ್ಯವಾಗಬೇಕಷ್ಟೆ. (ದಿಗ್ವಿಜಯ ನ್ಯೂಸ್)

https://www.vijayavani.net/acb-officers-closed-raids-on-kas-officer-sudha-house/

https://www.vijayavani.net/serial-raids-in-state-regarding-kas-officers-asset-and-corruption/