ಆತ್ಮ ರಕ್ಷಣೆ ಕಲೆಯಿಂದ ವಿದ್ಯಾರ್ಥಿನಿಯರಲ್ಲಿ ಆತ್ಮಸ್ಥೈರ್ಯ ಹೆಚ್ಚಳ

ಉಡುಪಿ: ಮಿಷನ್​ ಸಾಹಸಿಯಂತ ರಚನಾತ್ಮಕ ಮತ್ತು ವಿಶಿಷ್ಟವಾದ ಕಾರ್ಯಕ್ರಮ ಆತ್ಮ ರಕ್ಷಣೆ ಕಲೆಯೊಂದಿಗೆ ವಿದ್ಯಾರ್ಥಿನಿಯರಲ್ಲಿ ಆತ್ಮ ಸ್ಥೈರ್ಯವನ್ನು ಹೆಚ್ಚಿಸುತ್ತದೆ ಎಂದು ಉಡುಪಿ ಗ್ರಾಹಕರ ನ್ಯಾಯಾಲಯದ ನ್ಯಾಯಾಧೀಶೆ ಪ್ರೇಮಾ ಹೇಳಿದರು.

ಭಾನುವಾರ ಎಂಜಿಎಂ ಕಾಲೇಜಿನ ವಿದ್ಯಾರ್ಥಿನಿ ನಿಲಯದಲ್ಲಿ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್​ ಉಡುಪಿ ನಗರ ವತಿಯಿಂದ ಒಂದು ವಾರ ನಡೆದ ಮಿಷನ್​ ಸಾಹಸಿ ಕಾರ್ಯಕ್ರಮದ ಸಮಾರೋಪ ಸಮಾರಂಭದಲ್ಲಿ ಅವರು ಮಾತನಾಡಿದರು.

ಉಡುಪಿ ನಗರ ಕಾರ್ಯದರ್ಶಿ ಶ್ರೀವತ್ಸ ಡಿ. ಗಾಂವ್ಕಕರ್​, ಎಬಿವಿಪಿ ಈಗಾಗಲೇ ದೇಶಾದ್ಯಂತ ಸಾವಿರಾರು ಕಡೆಗಳಲ್ಲಿ ಲಕ್ಷಾಂತರ ವಿದ್ಯಾರ್ಥಿನಿಯರಿಗೆ ಮಿಷನ್​ ಸಾಹಸಿ ಕಾರ್ಯಕ್ರಮ ಮೂಲಕ ಸ್ವ ರಕ್ಷಣಾ ಪ್ರಶಿಕ್ಷಣ ನೀಡಿದೆ ಎಂದು ತಿಳಿಸಿದರು.

ಎಬಿವಿಪಿ ಜಿಲ್ಲಾ ಸಂಚಾಲಕ ಗಣೇಶ್​ ಪೂಜಾರಿ, ತಾಲೂಕು ಸಂಚಾಲಕ ಅಜಿತ್​ ಜೋಗಿ, ಪ್ರಮುಖರಾದ ನವೀನ್​, ಸ್ವಸ್ತಿಕ್​, ಅನಂತಕೃಷ್ಣ ಉಪಸ್ಥಿತರಿದ್ದರು.

ಚೂರಿ ಇರಿತ, ಚೈನ್​ ಸ್ನಾಚ್ಸಿಂಗ್​ ಸಂದರ್ಭ ಮತ್ತು ಅನೇಕ ರೀತಿಯ ಸ್ವ ರಕ್ಷಣಾ ತಂತ್ರಗಳನ್ನು ವಿದ್ಯಾರ್ಥಿನಿಯರು ಪ್ರದರ್ಶನ ನೀಡಿದರು.

ವೇದಿಕೆಯಲ್ಲಿ ಫೀನಿಕ್ಸ್​ ಅಕಾಡೆಮಿ ಇಂಡಿಯಾದ ಸದಸ್ಯ ಲಕ್ಷ್ಮಿಕಾಂತ್​, ಎಂಜಿಎಂ ವಿದ್ಯಾರ್ಥಿನಿ ನಿಲಯದ ನಿರ್ವಾಹಕಿ ಲತಾ, ಕಾರ್ಯದರ್ಶಿ ಸಾನ್ವಿ ಉಪಸ್ಥಿತರಿದ್ದರು. ಶ್ರವಣಿ ವಂದಿಸಿ, ಮಾಣಿಕ್ಯ ಭಟ್​ ನಿರೂಪಿಸಿದರು.