ಇದರಿಂದ ಭಯಗೊಂಡ ಯುವಕ, ಬೆಂಗಳೂರಿಗೆ ಹೋಗಿ ಎರಡು ದಿನ ಸುತ್ತಾಡಿ ಸೆ. 1ರಂದು ಯಶವಂತಪುರದಿಂದ ರೈಲಿನಲ್ಲಿ ಬೆಳಗಾವಿಗೆ ಪ್ರಯಾಣಿಸಿದ್ದ. ಈ ವೇಳೆ ಸುಮಾರು 20 ರಿಂದ 25 ವಯಸ್ಸಿನ ನಾಲ್ವರು, ಯುವತಿಯನ್ನು ಪ್ರೀತಿಸುವುದು ಬಿಟ್ಟು ಬಿಡು, ಇಲ್ಲವಾದರೆ ಸಾಯಿಸಿ ಬಿಡುತ್ತೇವೆ ಎಂದು ಬೆದರಿಕೆ ಹಾಕಿದ್ದಾರೆ. ಅಲ್ಲದೆ ರೈಲು ಕುಂದಗೋಳ ರೈಲ್ವೆ ನಿಲ್ದಾಣದ ಹತ್ತಿರ ನಿಧಾನವಾಗಿ ಚಲಿಸುವಾಗ ಗಾಡಿಯಿಂದ ಹೊರಗೆ ತಳ್ಳಿ ನಂತರ ಬ್ಲೇಡ್ನಿಂದ ಕೈ ಮತ್ತು ಕುತ್ತಿಗೆಗೆ ಇರಿದು ಹಲ್ಲೆ ಮಾಡಿದ್ದಾರೆ. ಗಾಯಗೊಂಡು ನರಳುತ್ತಿದ್ದ ಯುವಕನನ್ನು ಸ್ಥಳೀಯರು ಕುಂದಗೋಳ ತಾಲೂಕು ಆಸ್ಪತ್ರೆಗೆ ಸೇರಿಸಿ ಅಲ್ಲಿಂದ ಕಿಮ್ಸ್ಗೆ ದಾಖಲಿಸಿದ್ದಾರೆ. ಚಿಕಿತ್ಸೆ ಪಡೆದ ಯುವಕ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ.
