ಕೃಷಿ ಚಟುವಟಿಕೆಗಾಗಿ ಕುಶಾಲನಗರದ ಕೆನರಾ ಬ್ಯಾಂಕಿನಲ್ಲಿ ತನ್ನ ಹೆಸರಿನಲ್ಲಿ 7.5 ಲಕ್ಷ ರೂ., ತಾಯಿ ಕವಿತಾ ಹೆಸರಿನಲ್ಲಿ ಕರ್ನಾಟಕ ಗ್ರಾಮೀಣ ಬ್ಯಾಂಕ್ ಚಪ್ಪರದಹಳ್ಳಿಯಲ್ಲಿ 3.5 ಲಕ್ಷ ರೂ. ಮತ್ತು ಪರಿಚಯಸ್ಥರ ಬಳಿ 4 ಲಕ್ಷ ರೂ. ಕೈ ಸಾಲ ಸೇರಿದಂತೆ ಒಟ್ಟು 15 ಲಕ್ಷ ರೂ. ಸಾಲ ಮಾಡಿ ಜಮೀನಿನಲ್ಲಿ ತಂಬಾಕು ಮತ್ತು ಶುಂಠಿ ಬೇಸಾಯ ಮಾಡಿದ್ದ. ಕಳೆದ ಎರಡು-ಮೂರು ವರ್ಷಗಳಿಂದ ಸರಿಯಾದ ಫಸಲು ಬಾರದೆ ಇರುವುದರಿಂದ ಸಾಲ ಹೇಗೆ ತೀರಿಸಬೇಕು ಎಂದು ಮನನೊಂದು ಜಮೀನಿನಲ್ಲಿ ಇರುವ ಹೊಂಗೆ ಮರಕ್ಕೆ ನೇಣು ಹಾಕಿಕೊಂಡಿದ್ದಾನೆ. ತಕ್ಷಣ ಆತನನ್ನು ಕುಟುಂಬಸ್ಥರು ಆಸ್ಪತ್ರೆಗೆ ಕರೆದೊಯ್ಯುವಾಗ ಮಾರ್ಗ ಮಧ್ಯೆ ಕೊನೆಯುಸಿರೆಳೆದಿದ್ದಾನೆ. ವ್ಯವಸಾಯಕ್ಕಾಗಿ ಮಾಡಿದ ಸಾಲವನ್ನು ಹೇಗೆ ತಿಳಿಸಬೇಕೆಂದು ತೋಚದೆ ನನ್ನ ಮಗ ನೇಣು ಹಾಕಿಕೊಂಡು ಮುತ್ತಪಟ್ಟಿದ್ದಾನೆ ಎಂದು ಬೆಟ್ಟದಪುರ ಪೊಲೀಸ್ ಠಾಣೆಯಲ್ಲಿ ಮೃತ ಮಂಜುವಿನ ತಂದೆ ಜಗದೀಶ್ ದೂರು ನೀಡಿದ್ದಾರೆ. ಪ್ರಕರಣ ದಾಖಲಾಗಿದೆ.
