ವೈರಮುಡಿ ಉತ್ಸವ: ಮೇಲುಕೋಟೆಯಲ್ಲಿ ಚೆಲುವನಾರಾಯಣಸ್ವಾಮಿ ಬ್ರಹ್ಮರಥೋತ್ಸವ ಸಂಪನ್ನ

ಮೇಲುಕೋಟೆ: ವೈರಮುಡಿ ಬ್ರಹ್ಮೋತ್ಸವದ ಅಂಗವಾಗಿ ಚೆಲುವನಾರಾಯಣಸ್ವಾಮಿಗೆ ಗುರುವಾರ ಬ್ರಹ್ಮರಥೋತ್ಸವ ವೈಭವದಿಂದ ನೆರವೇರಿತು. ಸಹಸ್ರಾರು ಭಕ್ತರು ಭಾಗವಹಿಸಿ ರಥಕ್ಕೆ ಹಣ್ಣು-ದವನ ಎಸೆದು ದರ್ಶನ ಪಡೆದರು. ಶುಕ್ರವಾರ ಸಂಜೆ 7 ಗಂಟೆಗೆ ಚೆಲುವನಾರಾಯಣಸ್ವಾಮಿಗೆ ಕಲ್ಯಾಣಿಯಲ್ಲಿ ತೆಪ್ಪೋತ್ಸವ ನೆರವೇರಲಿದೆ.

ತಿರುಪತಿ ತಿರುಮಲ ದೇವಸ್ಥಾನದ ಪೆರಿಯ ಜೀಯರ್​ ಕೊಡುಗೆಯಾಗಿ ನೀಡಿದ ಬೃಹತ್​ ರಥಕ್ಕೆ ಜಯ-ವಿಜಯ ಸಾರಥಿಯೊಂದಿಗೆ ತಳಿರು ತೋರಣ ಕಟ್ಟಿ ಪುಷ್ಪಾಲಂಕಾರ ಮಾಡಲಾಗಿತ್ತು. ರಥ ಚತುರ್ವೀದಿಗಳಲ್ಲಿ ಸಡಗರದೊಂದಿಗೆ ನೆರವೇರಿತು. ರಥೋತ್ಸವದ ನಂತರ ದೇವಾಲಯದಲ್ಲಿ ಚೆಲುವನಾರಾಯಣಸ್ವಾಮಿಗೆ ಅಭಿಷೇಕ ನೆರವೇರಿತು. ವಿದ್ವಾನ್​ ಆನಂದ್​ ಮತ್ತು ವಿದ್ವಾನ್​ಕುಮಾರ್​ ತಂಡದಿಂದ ಕನ್ನಡ ಮತ್ತು ಸಂಸತಿ ಇಲಾಖೆಯ ನಾದೋಪಾಸನ ಸೇವೆಯಲ್ಲಿ ಸ್ವಾಮಿಗೆ ಮಧುರವಾದ ನಾದಸ್ವರ ವಾದನದ ಕಲಾ ಸೇವೆ ನೆರವೇರಿತು.

ರಥೋತ್ಸವದಲ್ಲಿ ಮಾಜಿ ಸಚಿವ ಎನ್​.ಚಲುವರಾಯಸ್ವಾಮಿ, ತಾಲೂಕು ಆರೋಗ್ಯಾಧಿಕಾರಿ ಡಾ.ಅರವಿಂದ್​ ಇತರರು ಪಾಲ್ಗೊಂಡಿದ್ದರು. ಮೇಲುಕೋಟೆ ಠಾಣೆ ಇನ್ಸ್​ಪೆಕ್ಟರ್​ ಸುಮಾರಾಣಿ ಭದ್ರತೆ ಒದಗಿಸಿದ್ದರು.

https://www.vijayavani.net/a-ksrtc-bus-accident-in-sulya/

https://www.vijayavani.net/a-tumkur-lodge-wife-foot-cut-case/