ಶ್ರೀ ವರ್ಧಮಾನ ಸ್ಥಾನಕವಾಸಿ ಜೈನ ಶ್ರಾವಕ ಸಂಘದ ಆಶ್ರಯದಲ್ಲಿ ಜೈನ ಭಗವತಿ ದೀಕ್ಷಾ ಸಮಾರಂಭ ಆಯೋಜಿಸಲಾಗಿದೆ. ರಾಷ್ಟ್ರ ಸಂತ ಶ್ರೀ ನರೇಶ ಮುನಿಜಿ, ಶ್ರೀ ಶಾಲಿಭದ್ರ ಮುನಿಜಿ, ದಕ್ಷಿಣ ದೀಪಿಕಾ, ಗುರುಣಿ ಮೈಯ್ಯಾ, ಶ್ರೀ ಸತ್ಯಪ್ರಭಾಜಿ, ಮಹಾಸತಿ ಸಾಧ್ವಿಶ್ರೀ, ಮಹಾಸತಿ ದರ್ಶನಪ್ರಭಾಜಿ ಹಾಗೂ ವಿವಿಧ ಸಾಧು ಸಂತರ ದಿವ್ಯ ಸಾನ್ನಿಧ್ಯದಲ್ಲಿ ಬಾಲಕಿಯು ದೀಕ್ಷೆ ಸ್ವೀಕರಿಸುವಳು. ಇಮೇಲ್, ಇಂಟರ್ನೆಟ್, ವಾಟ್ಸ್ಆ್ಯಪ್ ಇತ್ಯಾದಿ ಆಧುನಿಕ ತಂತ್ರಜ್ಞಾನಗಳನ್ನು ಬದಿಗಿಟ್ಟು ಶ್ವೇತವರ್ಣದ ವಸ್ತ್ರಧಾರಣೆ ಮಾಡಿ ಸತ್ಯ, ಅಹಿಂಸಾ, ಮಾನವೀಯ ಏಕತೆ, ತ್ಯಾಗ, ಬಾಳು ಬಾಳಲು ಬಿಡು ಎಂಬ ದಿವ್ಯ ಸಂದೇಶವನ್ನು ವಿಶ್ವಕ್ಕೆ ಸಾರುವ ಕಾರ್ಯದಲ್ಲಿ ತೊಡಗುವಳು ಎಂದು ದೀಕ್ಷಾ ಸಮಿತಿ ಅಧ್ಯಕ್ಷ ಮಹೇಂದ್ರ ಸಿಂಘಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
