ಜೆಡಿಎಸ್​ಗೆ ಶ್ರೀನಿವಾಸದ್ವಯರ ಸೆಡ್ಡು! ಕೋಲಾರ ಶಾಸಕನಿಂದ ಅಡ್ಡ ಮತದಾನ, ಮತಪೆಟ್ಟಿಗೆಗೆ ಖಾಲಿಪತ್ರ ಹಾಕಿದ ಗುಬ್ಬಿ ಶಾಸಕ

ಬೆಂಗಳೂರು: ರಾಜ್ಯಸಭೆ ಚುನಾವಣೆಯಲ್ಲಿ ಜೆಡಿಎಸ್​ಗೆ 'ಶ್ರೀನಿವಾಸದ್ವಯರು' ಸೆಡ್ಡು ಹೊಡೆದಿದ್ದಾರೆ. ಕಾಂಗ್ರೆಸ್ ಶಾಸಕರ ಜತೆಯಲ್ಲೇ ಮತದಾನ ಕೇಂದ್ರಕ್ಕೆ ಆಗಮಿಸಿದ ಕೋಲಾರ ಕ್ಷೇತ್ರದ ಜೆಡಿಎಸ್​ ಶಾಸಕ ಶ್ರೀನಿವಾಸ್​ಗೌಡ, ಕಾಂಗ್ರೆಸ್ ಅಭ್ಯರ್ಥಿಗೆ ಮತ ಚಲಾಯಿಸಿದರು. ಅತ್ತ ಗುಬ್ಬಿ ಕ್ಷೇತ್ರದ ಜೆಡಿಎಸ್ ಶಾಸಕ ಶ್ರೀನಿವಾಸ್​ ಮತಪೆಟ್ಟಿಗೆಗೆ ಖಾಲಿ ಪತ್ರ ಹಾಕಿದ್ದು, ಇವರ ಮತ ಅಸಿಂಧುಗೊಂಡಿದೆ.

ಶಾಸಕರು ಮತ ಪತ್ರದಲ್ಲಿ ನಮೂದು ಮಾಡಿದ ನಂತರ ತಮ್ಮ‌ ಪಕ್ಷದ ಏಜೆಂಟ್‌ ಇರುವ ಕ್ಯಾಬಿನ್​ಗೆ ತೆರಳಬೇಕು. ಆದರೆ, ಶ್ರೀನಿವಾಸಗೌಡರು ಜೆಡಿಎಸ್ ಕ್ಯಾಬಿನತ್ತ ಗಮನ‌ ಕೊಡದೇ ಮತ ಪೆಟ್ಟಿಗೆಗೆ ಮತ ಪತ್ರ ಹಾಕಿ ಸಿದ್ದರಾಮಯ್ಯರನ್ನು ಭೇಟಿಯಾದರು. ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿದ ಶ್ರೀನಿವಾಸ್​ಗೌಡ, ಅಡ್ಡ ಮತದಾನ ಮಾಡಿರುವುದಾಗಿ ಒಪ್ಪಿಕೊಂಡರು. ನಾನು ಕಾಂಗ್ರೆಸ್​ನಲ್ಲಿದ್ದವ. ಜೆಡಿಎಸ್​ನಿಂದ ಹೊರ ಬಂದಿದ್ದೇನೆ ಎಂದು ಸಂದೇಶ ರವಾನಿಸಿದರು.

ಗುಬ್ಬಿ ಶಾಸಕ ಶ್ರೀನಿವಾಸ್, ನಿಯಮದ ಪ್ರಕಾರ ಮತ ಪತ್ರದಲ್ಲಿ ಅಭ್ಯರ್ಥಿ ಹೆಸರಿನ ಮುಂದೆ ತಮ್ಮ ಗುರುತು ಹಾಕದೆ ಖಾಲಿ ಮತ ಪತ್ರವನ್ನು ಬಾಕ್ಸ್‌ಗೆ ಹಾಕಿದ್ದಾರೆ. ಆ ಮೂಲಕ ಯಾರಿಗೂ ಮತ ಹಾಕಿಲ್ಲ.

ಈ ಬಗ್ಗೆ ಪ್ರತಿಕ್ರಿಯಿಸಿದ ಜೆಡಿಎಸ್​ನ ಪೋಲಿಂಗ್​ ಏಜೆಂಟ್​ ಎಚ್​.ಡಿ. ರೇವಣ್ಣ, ಗುಬ್ಬಿ ಶ್ರೀನಿವಾಸ್​ ಯಾರಿಗೂ ಮತ ಹಾಕಿಲ್ಲ. ನನಗೆ ಖಾಲಿ ಮತ ಪತ್ರ ತೋರಿಸಿದ್ರು ಎಂದಿದ್ದಾರೆ.

https://www.vijayavani.net/a-rajyasabha-election-jds-hd-revannas-vote-is-reject/

https://www.vijayavani.net/a-rajyasabhe-election-voting-news-updates/

https://www.vijayavani.net/a-1-60-crore-theft-sbi-bank-money-cashier-santhosh-kabade-arrest/