ಘಟನೆ ಬಗ್ಗೆ ಮಾತನಾಡಿರುವ ಅಭಿಜಿತ್, ನನ್ನನ್ನು ಕಿಡ್ನ್ಯಾಪ್ ಮಾಡಿದಾಗ ಹೆದರಿಕೆಯಾಯಿತು. ಧೈರ್ಯ ತಂದುಕೊಂಡು ಕಿಡ್ನ್ಯಾಪರ್ಸ್ ಜತೆ ಮಿಂಗಲ್ ಆಗಿ ಮಾತನಾಡಲು ಆರಂಭಿಸಿದೆ. 'ನಮ್ ಬಗ್ಗೆ ನಿನ್ನ ಅಪ್ಪ- ಅಮ್ಮನಿಗೆ ಏನೂ ಹೇಳ್ಬಾರ್ದು. ಒಂದು ವೇಳೆ ಹೇಳಿದ್ರೆ ನಿನ್ನನ್ನು ಶಾಲೆಯಿಂದ ಎತ್ತಾಕೊಂಡು ಹೋಗಿ ಮರ್ಡರ್ ಮಾಡುತ್ತೇವೆ' ಅಂತ ಅವರು ನನಗೆ ಹೆದರಿಸಿದರು. ಅವರನ್ನ ನಾನು ಈ ಮೊದಲು ನೋಡಿಯೇ ಇಲ್ಲ. ನನ್ನನ್ನು ಕರೆದೊಯ್ಯುತ್ತಿದ್ದ ಕಾರಿನ ನಂಬರ್ ಪ್ಲೇಟ್ ಹಳದಿ ಬಣ್ಣದ್ದು. ಕಾರಿನ ಎರಡು ನಂಬರ್ ಮಾತ್ರ ಕಾಣಿಸಿತ್ತು. ಕಾರಿನ ಹಿಂಭಾಗದ ಸೀಟ್ನಲ್ಲಿ ನನ್ನನ್ನು ಕೂರಿಸಿದ್ದರು. ರಿಂಗ್ ರೋಡ್ನ ಸರ್ಕಲ್ನಲ್ಲಿ ನಾಲ್ಕು ಸುತ್ತು ಹಾಕಿಸಿದ್ರು. ಮೈಸೂರಿನ 20 ಕಿ.ಮೀ. ಅಂತರದಲ್ಲೇ ಸುತ್ತಾಡಿಸ್ತಾ ಇದ್ರು. ತಿನ್ನಲು ಬಿಸ್ಕತ್ ಮತ್ತು ಚಾಕೋಲೆಟ್, ಕುಡಿಯಲು ನೀರು ಕೊಟ್ಟರು. ನಾನು ಬೇಡ ಅಂದೆ. ಕಾರಿನಲ್ಲಿ ಒಬ್ಬ ಕುಂಟ ಇದ್ದ. 'ಕಾರಿನಲ್ಲಿ ಡೀಸೆಲ್ ಖಾಲಿಯಾಗಿದೆ. ಮ್ಯಾಕ್ಸಿಮಮ್ ಅಂದ್ರೆ 5 ಕಿ.ಮೀ. ಹೋಗಬಹುದು' ಎನ್ನುತ್ತಿದ್ದರು. ನಾನು ನಿದ್ರೆಗಣ್ಣಿನಲ್ಲಿದ್ದಾಗ ಯಾರೋ ವಿಂಡ್ಶೀಲ್ಡ್ನಲ್ಲಿ ಮಾತನಾಡುತ್ತಿದ್ರು...' ಎಂದು ವಿವರಿಸಿದ್ದಾನೆ.
