ಕಬಿನಿ ಒಳಹರಿವು ಹೆಚ್ಚಳ: ಕಳೆದ ವಾರದಲ್ಲಿ ಕೇರಳದ ವಯನಾಡು ಭಾಗದಲ್ಲಿ ಕೆಲವು ದಿನಗಳಿಂದ ಒಳ್ಳೆಯ ಮಳೆಯಾಗಿದೆ. ಹೀಗೆಯೇ ಮುಂದುವರಿದರೆ ಗಡಿಯಲ್ಲಿರುವ ಬಂಡೀಪುರ ವ್ಯಾಪ್ತಿಯ ಮೂಲೆಹೊಳೆ, ಗುಂಡ್ರೆ, ನಾಗರಹೊಳೆಯ ಡಿ.ಬಿ.ಕುಪ್ಪೆ ಮತ್ತು ನಾಗರಹೊಳೆ ವ್ಯಾಪ್ತಿಯಲ್ಲಿ ತಂಪಿನ ವಾತಾವರಣ ನಿರ್ಮಾಣವಾಗಲಿದೆ. ಜತೆಗೆ, ಕಳೆದ ವಾರ ಉತ್ತಮ ಮಳೆಯಾಗಿದ್ದು, ಕಬಿನಿ ಹಿನ್ನೀರನ್ನೇ ಅವಲಂಬಿಸಿರುವ ನಾಗರಹೊಳೆ ಮತ್ತು ಬಂಡೀಪುರ ಭಾಗದ ವನ್ಯಜೀವಿಗಳಿಗೆ ತುಸು ನೆಮ್ಮದಿ ತರಲಿದೆ. 2284 ಅಡಿ ಗರಿಷ್ಠ ಮಟ್ಟ ಹೊಂದಿರುವ ಕಬಿನಿ ಜಲಾಶಯದಲ್ಲಿ ಮೇ 10ರಂದು 2260.86 ಅಡಿ ನೀರಿದ್ದು, 413 ಕ್ಯೂಸೆಕ್ ಒಳಹರಿವಿತ್ತು. 2021ರಲ್ಲಿ ಇದೇ ದಿನ 507 ಕ್ಯೂ., 2020ರಲ್ಲಿ 253 ಕ್ಯೂ., 2019ರಲ್ಲಿ 1553 ಕ್ಯೂ. ಮತ್ತು 2018ರಲ್ಲಿ 350 ಕ್ಯೂಸೆಕ್ ಇತ್ತು.
